Свет
Северна Кореја тврди дека состанокот на лидерите пропаднал поради дополнителни барања на САД
Северна Кореја побара само делумно укинување на санкциите во замена за затворање на нуклеарната централа Јонгбјон, изјави денеска севернокорејскиот министер за надворешни работи, Ри Џонг-хо.
Тој вели дека причина за ненадејниот прекин на состанокот меѓу лидерите на САД и Северна Кореја е дека Вашингтон побарал од Пјонгјанг да направи чекор повеќе кон нуклеарно разоружување, објави агенцијата АП.
„Северна Кореја претстави реален предлог на самитот меѓу севернокорејскиот лидер, Ким Џонг-ун, и претседателот на САД, Доналд Трамп, но Вашингтон инсистираше Пјонгјанг да направи дополнителен чекор и покрај затворањето на нуклеарна централа Јонгбјон“, рече министерот.
Тој на прес-конференција истакна дека Пјонгјанг понудил трајно расклопување на целокупното производство на нуклеарни материјали, вклучувајќи и плутониум и ураниум, пренесе агенцијата „Ројтерс“.
Северна Кореја, според него, побарала од Вашингтон делумно, а не целосно укинување на санкциите, што е спротивно на изјавата што ја даде Трамп.
Претседателот на САД, претходно кажа дека договор не бил постигнат поради барањето на Северна Кореја за целосно укинување на американските санкции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.