Свет
Се затвора најголемиот град на Нов Зеланд поради три нови случаи на Ковид-19
Премиерката на Нов Зеланд, Џакинда Ардерн нареди тридневно затворање на градот Окланд поради појава на три неразјаснети случаи на Ковид-19.
На граѓаните на најголемиот град во Нов Зеланд, кој брои 1,7 милиони жители, им е наредено да останат дома од полноќ, кога започнува карантин на трето ниво во кој се затвораат училиштата и бизнисите, покрај основните услуги.
Ардерн рече дека затворањето е воведено само поради случајот дека „тоа може да биде еден од побрзо преносливите видови на Ковид за кои мора да дејствуваме со висок степен на претпазливост“.
Премиерката ја објави мерката по итен состанок со други врвни владини претставници. Таа рече дека решиле да пристапат претпазливо додека не дознаат повеќе за епидемијата.
Се работи за мајка, татко и ќерка од Окланд, кои се заразени со новиот вид на вирус. Официјални лица изјавија дека мајката работела во компанија за перење алишта на авиокомпанија, а се истражува дали има врска со заразени патници. Според информациите, жената не се качувала сама во авионите.
Ова затворање е прво во последните шест месеци и претставува значителен неуспех во голема мера успешните напори на државата да го контролира вирусот.
Нов Зеланд, со население од 5 милиони луѓе, пријавил нешто повеќе од 2.300 заразени и 25 починати од почетокот на пандемијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.