Свет
СЗО: Бројот на заразени лица расте во Азиско-пацифичкиот Регион, пандемијата е во критична фаза
Светската здравствена организација (СЗО) објави дека пандемијата Ковид-19 во Азиско-пацифичкиот Регион е во критична фаза и оти мора да се вложат сите напори за да се ограничи ширењето и да се избегнат поопасни варијанти.
Такеши Касаи, регионален директор на СЗО за Западен Пацифик, истакна дека бројот на заразени со ковид и смртни случаи во азиско-пацифичките земји нагло расте, главно поради многу заразната делта варијанта.
Во првите три недели од август регионот имаше 10 проценти од глобалната зараза Ковид-19 и повеќе од осум проценти од глобалните смртни случаи.
„Во оваа критична фаза на пандемијата, да продолжиме да работиме заедно. Во наша моќ е да ја намалиме заканата од вирусот со тоа што ќе ја искористиме максимално секоја алатка што ја имаме денес за да се бориме против него“, порача Касаи на онлајн прес-конференција.
Од СЗО споменуваат две сценарија кои се можни во наредните месеци.
Во првото сценарио, ризикот од Ковид-19 може да се намали и да се управува со него како сезонски грип и други болести што може да се спречат со вакцинација и превентивни мерки.
Во второто сценарио, може да се развијат уште поопасни варијанти кои ќе се шират уште полесно, ќе предизвикуваат посериозни болести или ќе бидат отпорни на постоечките вакцини.
„Најдобар начин е да сториме сé што можеме за да го ограничиме ширењето веднаш“, додаде Касаи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.