Свет
СЗО: Mајките да ги дојат своите деца и кога имаат ковид-19
Светската здравствена организација денеска предупреди дека наспроти големите надежи за пронаоѓање на вакцина, можеби никогаш нема да има чудотворено решение за ковид-19 и дека враќањето во нормала ќе потрае.
Повеќе од 18,1 милиони луѓе во светот се заразени со новиот коронавирус, а речиси 700.000 се починати.
Генералниот директор на СЗОО, Тедрос Адхан Гебрејерус и раководителот на Одделот за вонредни состојби Мајк Рајан инсистираат на тоа државите строго да ги спроведуваат епидемиолошките мерки како што се носење маски, физичка дистанца, миење раце и тестирање.
„ Пораката до луѓето и владите е јасна: Направете се“ порача Тедрос на виртуелната конференција во седиштето на ОН во Женева.
Маските за лице, порача тој, би требало да станат симбол на солидарност во светот.
„Поголем број од вакцините се во третата фаза од клиничките испитувања и сите се надеваме дека ќе имаме повеќе ефективни видови на вакцини кои би помогнале во спречување на заразата. Но, засега нема чудотворно решение и можеби никогаш нема да го има“ рекол Тедрос.
Тој признал дека постои страв дека нема да има вакцина која е ефективна или заштитата од болеста ќе биде само краткотрајна и ништо повеќе, но дека тоа нема д асе знае се додека не се завршат клиничките испитувања.
Тедрос им порача на мајките да ги дојат своите бебиња и во случај да се заразени со коронавирус, бидејќи придобивките ги надминуваат ризиците од инфекција.
„ СЗО препорачува мајките кои се сомнителни или се потврдени дека се позитивни на ковид-19 да се охрабруваат на истиот начин како и сите други да започнат или да продолжат со доење“ рекол Тедрос.
Според него, бројните предности на доењето за бебето и децата значајно ги надминува потенцијалните ризици на инфекцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти EMSC.
Земјотресот е регистриран на Крит, на 62 километри од Ираклион, на длабочина од 16 километри.
Земјотресот е регистриран во 12:37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала, по што следеа афтершокови.
Регион
Мајката на двегодишната Илиќ донесена во полиција: распитувањето за исчезнувањето на ќерката продолжува
Ивана Илиќ, мајката на двегодишната Данка, е донесена во полиција во Бор, потврдија од полицијата за „Телеграф.рс“.
Нејзиното сослушување продолжува и денеска.
Таа, неофицијално, не е осомничена.
Ќе одговара на прашања за детето, навиките, односот со сопругот, семејството, роднините, пријателите, пренесува медиумот.
Исчезнувањето на детото го пријавила на 26 март годинава во 13.45 часот.
Свет
Полицијата уапси маж во Хемпшир: фрлил 50 мртви животни пред продавница
37-годишен маж е уапсен во Хемпшир откако повеќе од 50 мртви животни биле фрлени пред продавница.
Еден од вработените ја отворал продавницата кога наишол на „ужасна“ сцена, пренесува „Sky News“. Била повикана полиција која пред продавницата пронашла околу 50 мртви зајаци и други животни.
Полицајците на Хемпшир и вооружениот тим истражувале и откриле дека животните биле застрелани со огнено оружје. Дел од животните се заштитени со закон.
Полицијата синоќа соопшти дека тој се уште е во притвор.