Свет
Силување во Сибир предизвика насилни протести и гнев против мигрантите
Бесните жители на Јакутск во Сибир, источна Русија, одржаа спорадични митинзи и ги уништија продавниците поседувани од мигранти откако еден маж од Централна Азија силувал локална жена. Случајот ги поттикна властите да се заложат за стопирање на нелегалната миграција, пренесува РТ.
Во текот на изминатите неколку дена жителите на Јакутск ги напаѓаат и малтретираат мигрантите од Централна Азија и бизнисите во сопственост на мигранти барајќи од странците да си заминат, соопшти полицијата.
„Дојдоа тука и ни се закануваа со пиштол. Ни рекоа: ‘Затворете се и одете дома. Повеќе нема да живеете тука’”, изјави еден мигрант за РТ.
Имаше шпекулации дека неколку луѓе се хоспитализирани, па дури и убиени, но полицијата негираше дека се случиле такви инциденти. Полицајците беа распоредени за заштита и на локалната џамија откако бесната толпа одржа протест пред нејзиниот влез.
Бранот антиимигрантски гнев беше предизвикан од неодамнешен случај во кој локална жена беше киднапирана и силувана. Иако осомничениот беше брзо фатен и се изјасни за виновен, локалните жители се разбесниле откако од медиумите дознале дека станува збор за мигрант од Киргистан. Ова подоцна беше потврдено и од гувернерот.
Веста веднаш доведе до спорадични неодобрени протести од локалните жители кои ги обвинуваат странците за крадење на работните места и за вршење злосторства во градот.
Властите подоцна одржаа свој масовен собир на кој гувернерот Ајсен Николаев вети дека ќе преземе остри мерки против нелегалната миграција.
„Ќе ги идентификуваме илегалците и ќе ги депортираме”, ѝ рече тој на толпата.
Полицијата во меѓувреме ги предупреди сите да не поттикнуваат етнички конфликти, а неколку лица се притворени за насилство. Многу кафулиња и продавници во сопственост на мигранти, сепак, остануваат затворени, а околу 100 автобуси останаа во депоата бидејќи возачите-мигранти се плашат да се појават на работа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие кои имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира брзо, изјави за Телеграф.рс Марко Ницовиќ, поранешен началник на белградската полиција.
Според Ницовиќ, полицијата оди во добра насока, бидејќи ја чешла секоја педа од земјата, но се надеваат и дека темелно се проверуваат граничните премини, бидејќи не ја исклучуваат можноста за киднапирање.
– Би можело да биде се, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата, вели Ницовиќ за српски Телеграф.
Да потсетиме, потрагата по двегодишната Данка Илиќ влезе во четврти ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде последен пат беше видена исчезнатата Данка по која трага цела Србија пристигна тешка механизација која ќе продолжи да работи денес за да се расчисти теренот.
Свет
Во Таџикистан се уапсени девет лица поврзани со масакрот во Москва
Таџикистан уапси девет лица осомничени дека се поврзани со масовното пукање во руската концертна сала минатиот петок, како и милитантна исламистичка група која ја презеде одговорноста за нападот, изјави таџикистански безбедносен извор за Ројтерс. Четворицата осомничени напаѓачи зад најсмртоносниот напад во Русија во последните 20 години се државјани на Таџикистан. Тие беа уапсени со уште седум други осомничени, од кои некои исто така потекнуваат од поранешната советска централноазиска земја.
Одборот за државна безбедност на Таџикистан приведе девет лица во градот Вахдат. Осомничените сега се во главниот град Душанбе, рече изворот, но не даде детали. Најмалку 143 лица загинаа во напад на концертна сала во близина на Москва.
Таџикистан, член на безбедносниот блок предводен од Русија и дом на руската воена база, ги собра семејствата на осомничените напаѓачи за да можат да бидат испрашани од руските истражители во Душанбе, изјавија извори за Ројтерс.
Исламска држава ја презеде одговорноста за нападот во концертната сала, а американските официјални лица рекоа дека имаат разузнавачки информации кои укажуваат на тоа дека нападот го извршил авганистанскиот огранок на мрежата, Исламската држава Хорасан (ИСИС-К).
Руските истражители вчера објавија дека пронашле докази дека напаѓачите се поврзани со „украински националисти“. САД веднаш го отфрлија тврдењето како неоснована пропаганда. Киев остро негираше каква било вмешаност во нападот на концертната сала.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.