Свет
Шји Џјинпинг: Бајден си играш со оган за Тајван
Кинескиот претседател Шји Џјинпинг му порача на американскиот претседател Џо Бајден дека си игра со оган за прашањето за Тајван.
„Оние кои си играат со оган ќе се изгорат“, му рекол Шји на Бајден за време на двочасовниот телефонски разговор, објавија кинеските медиуми.
„Се надевам дека САД го гледаат тоа јасно. Кина силно се противи на независноста на Тајван и на она што го гледа како странско мешање во земјата“.
Претседателите на САД и Кина, Џо Бајден и Шји Џјинпинг денеска телефонски разговараа за иднината на комплицираните односи меѓу двете сили во време на економски и геополитички тензии.
Бајден и Си по петти пат разговараа по телефон како лидери на двете земји, во време кога американскиот претседател бара нови начини за соработка со Кина, како и стратегии за ограничување на нејзиното влијание во светот. Разговорот меѓу двајцата лидери беше нивен прв од март, веднаш по почетокот на руската инвазија на Украина.
Односите меѓу САД и Кина долго време беа затегнати поради нивните различни перспективи за глобалното здравје, економската политика и човековите права, а дополнително затегнати поради одбивањето на Кина да ја осуди руската инвазија на Украина.
Последниот спор меѓу Вашингтон и Пекинг се однесува на можната посета на претседателката на Претставничкиот дом на САД, Ненси Пелоси, на Тајван, автономен остров со демократска влада кој добива неформална одбранбена поддршка од САД и кој Кина го смета за дел од својата територија.
Пекинг најави дека евентуалната посета на Пелоси ќе ја смета за провокација и најави „силен одговор“.
Пелоси би бил највисокиот американски функционер што го посетил Тајван откако републиканецот Њут Гингрич го посети островот во 1997 година, кога тој беше претседател на Претставничкиот дом на САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Тешка автобуска несреќа во Јужна Африка, загинаа 45 лица
Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.
Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.
Автобусот превезувал луѓе од Боцвана до Морија, град во Лимпопо.
Спасувачките операции продолжија до доцна денеска.
Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.
Регион
Барале 25.000 евра за да дадат информации за исчезнатото девојче: детали за апсењето на три лица во БиХ
Припадниците на полицијата привеле три лица, кои се осомничени дека преку ТикТок објавиле дека се поврзани со исчезнувањето на девојчето Данка Илиќ (2) во Србија.
„Федералната полициска управа, постапувајќи според актот на НЦБ Интерпол Белград, презеде мерки и дејствија од нејзина надлежност, што резултираше со лишување од слобода на три лица на територијата на Хаџиќ, Сараево“, беше потврдено и кои се сомничат дека имале сознанија за исчезнување на малолетно девојче од Србија.
Инспекторите на Одделот за компјутерски криминал на Федералната полициска управа, ги лоцирале по пат на ИП адреса лицата кои тврделе дека имаат информации за исчезнувањето на малолетно девојче, односно барале 25.000 евра за откривање информации.
„Малолетното девојче не е пронајдено на територијата на Хаџиќ, а кривичната истрага за лицата лишени од слобода е во тек“, изјави сојузниот инспектор Ервин Мушиновиќ.
Девојчето Данка Илиќ (2) во вторникот исчезна во Бањско поле кај Бор.
Оттогаш, потрагата по неа трае, а во Србија за прв пат е активиран системот амбер алерт.
Свет
(Видео) Руски борбен авион се урна кај Севастопол
Рускиот борбен авион Су-27 денеска се урна во морето во близина на кримското пристаниште Севастопол, а веста ја потврди и регионалниот гувернер Михаил Развозаев.
„Пилотот безбедно се катапултирал, а спасувачите на севастополската спасувачка служба го подигнале на оддалеченост од двесте метри од брегот. Цивилните објекти не се оштетени“, објави Развозаев на својот официјален канал.
Ein russischer Su-27 „Luftüberlegenheitsjäger“ ist vor der Küste Sewastopols brennend ins Meer gestürzt.
Russisches Militär behauptet Stock und Stein, dass es sich um einen „technischen“ Unfall und keinen versehentlichen Abschluss handelt.
Naaa ja. pic.twitter.com/8cWoc7jp4W— Julian Röpcke🇺🇦 (@JulianRoepcke) March 28, 2024
Се уште нема потврда како и зошто дошло до овој инцидент.
Медиумите првично објавија дека се урнал авионот Су-35, но се потврди дека се работи за моделот Су-27. Како што може да се види на снимката од несреќата, авионот се вртел во пламен на небото додека не паднал директно во Црното Море.