Свет
Словенија сака да го зајакне партнерството со Русија и покрај санкциите
Словенечкиот премиер Марјан Шарец изјави за ТАСС дека планира да побара можности за продлабочување на соработката меѓу Љубљана и Москва и покрај санкциите на Европската Унија против Русија.
„Рускиот пазар е многу интересен за нас. И, секако, ќе бараме нови можности за соработка и покрај санкциите“, рече словенечкиот премиер пред својата посета на Русија што започна денес.
„За нас, рускиот пазар е од особено значење“, истакна Шарец. „Санкциите никогаш не се добри, тие секогаш повредуваат некого и кога ќе дојде време да бидат укинати, Словенија сигурно ќе го поздрави ова. Русија, исто така, многу добро разбира дека Словенија е дел од ЕУ и НАТО и дека мора да ги исполни своите обврски“.
Словенечкиот премиер има планирано разговори со рускиот премиер Дмитриј Медведев во Москва и треба да открие споменик на словенечките жртви во Првата светска војна и Втората светска војна во Паркот на победата на ридот Поклонаја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.