Свет
Службеник на NSA обвинет за кражба на тајни податоци, му се закануваат 200 години затвор
Педесет и двегодишен Американец кој работел за американската Агенција за национална безбедност (NSA), како и за други владини агенции во Соединетите држави, обвинет е во средата за задржувње информации со ознака на „врвна тајност“.
Харолд Мартин, која на 27-ми август 2016 година беше уапсен под сомнение дека „отуѓил неверојатно количество“ тајни податоци, би можел да биде обвинет по 20 точки, од кои за секоја може да добие по десет години затвор.
Мартин, кој живеел во Мериленд, сојузната држава која граничи со сојузната престолнина Вашингтон, ги преснимувал и задржувал доверливите информации чијшто обем се проценува на најмалку 50.000 гигаоктети.
Истрагата сé уште не утврдила дали Харолд Мартин овие податоци ги предал на странски интереси или влади.
Тие документи со ознака за највисок степен на тајност се пронајдени во домот наосомничениот и во неговиот автомобил. Полицајците, покрај тоа, заплениле и „арсенал“, во кој имало десет парчиња огнено оружје, меѓу кои и јуришна пушка.
Мартин работел како надворешен соработник на NSA, американска разузнавача агенција специјализирана за шпионирање на електронските комуникации низ светот.
Случајот е многу непријатен за челниците и за самата NSA, која дојде во центарот на вниманието пред три години кога друг нејзин консултант Едвард Сноуден на медиумите им достави документи за масивното следење на комуникациите на милиони луѓе во светот, па дури и на челниците на земјите сојузнички на САД. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.