Свет
Службеник од универзитет во Турција уапсен поради наводно учество во пуч
Вработен во Турската воената академија, која беше основана од претседателот Реџеп Таип Ердоган, со цел да направи „чистка“ во воените сили по задушениот пуч, беше уапсен поради сомневање дека учествувал во организација на истиот, извести весникот „Џумхурије“т.
Полковникот Кадир Атакан од Државниот универзитет за безбедност беше официјално уапсен две недели откако беше приведен, пренесоа турските медиуми. Тој беше директор во секторот на организација во школата, која сè уште не работи со полна пареа.
Универзитет беше основан по наредба на Ердоган по пучот во јули 2016, кога група војници со помош на тенкови и воени авиони се обидоа да преземат контрола врз власта. Школата се отвори со намера да ги замени претходните воени академии кои беа затворени со издаден декрет по неуспешниот пуч.
Турската полиција не излезе со коментари, а вработените од универзитетот и обвинителите беа недостапни за коментар.
Анкара го обвини Фетула Ѓулен за обидот за пуч на 15 јули 2016. Гулен, кој живее во Пенсилванија од 1999, негираше дека има каква било врска со нападот во кој загинаа преку 240 лица.
Според Обединетите нации, отогаш Турција уапсила 160 000 лица и отпуштила уште толку државни службеници. Од нив, 50 000 имаат формално обвинение и се во затвор додека траат судењата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Полицаец од Бор е приведен поради давање информации за исчезнувањето на девојчето
Полицаец од Бор е приведен поради давање информации од истрагата за исчезнувањето на девојчето Данка Илиќ (2).
Не се знае за какви информации станува збор и кому полицаецот ги дал, но се работи за информации од истрагата кои евентуално би можеле да ја загрозат.
Се уште трае потрагата по двегодишното девојче Данка Илиќ од околината на Бор, чие исчезнување беше пријавено во вторникот.
Се претресуваат куќи и населба, се расчистува дворот.
Две специјалистички екипи за спасување од урнатините од Белград и Нови Сад започнаа детално пребарување на просторот околу куќата, соопшти полицијата.
Свет
Украински дрон удрил во станбена зграда во Белгород, има мртви
Едно лице загина кога украинско беспилотно летало удри во станбена зграда во рускиот град Белгород и одекна силна експлозија, изјави регионалниот гувернер Вјачеслав Гладков.
„Повредена е сопругата на починатиот, има расекотини на лицето и површна изгореница на бутот. Екипата за брза помош ја однела жената во регионалната клиничка болница. Како резултат на експлозијата, за жал, еден човек загина“, објави Гладков, а пренесува Риа Новости.
Друг жител со рана од шрапнел сам отишол во градската болница, додаде тој.
Оштетени се прозорците во пет стана, како и автомобил. Оперативните услуги се на лице место.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.