Свет
Соборен рекорд за брзина на патнички лет меѓу Њујорк и Лондон
Компанијата „Бритиш ервејс“ веројатно го собори рекордот за субсоничен патнички лет, при што нејзин авион достигнаа брзина до 1.200 километри на час, пренесува агенцијата „Танјуг“.
Патничкиот авион „боинг 747-436“ летал над Атлантикот океан ноќта меѓу саботата и неделата, во пресрет на бурата Кијара која се очекува во Велика Британија, а за која се верува дека ќе биде најсилната во последните седум години.
Според податоците од интернет-страницата „Флајт радар“, авионот полетал од меѓународниот аеродром „Џеј-еф-кеј“ во Њујорк и пристигнал на „Хитроу“ за само четири часа и 56 минути.
Ова е една минута побрзо од летот на компанијата „Вирџин атлантик“ чиј авион „ербас А350“ стигнал на аеродромот само неколку минути подоцна, пренесува „Танјуг“.
Летовите на „Бритиш ервејс“ и „Вирџин атлантик“ го соборија претходниот рекорд што го држеше норвешка компанија. Во јануари 2018 година, од аеродромот „Џеј-еф-кеј“ до „Гетвик“ во Лондон, нејзиниот авион пристигнал за пет часа и 13 минути.
Просечното време за патување меѓу Лондон и Њујорк изнесува шест часа и 50 минути, пренесуваат светските агенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дачиќ: Србија не е експериментално тело па на неа постојано да се крши меѓународното право
Министерот за надворешни работи и претседател на Социјалистичката партија на Србија, Ивица Дачиќ денеска изјави дека е срамно што Комитетот за политички прашања на Советот на Европа (СЕ) ја прифати препораката дека Косово ќе биде примено во Советот на Европа, и дека е спротивно на сите принципи на кои почива таа организација и посочи дека Србија не е „експериментално тело“ па на неа постојано да се крши меѓународното право.
„Првпат се препорачува членство на територија која не е меѓународно признаена, која не е членка на ОН. За да се постигне тоа се обидуваат да најдат оправдување и да кажат дека тоа не го прејудицира статусот, а потоа во втората реченица велат дека тогаш ставот на СЕ престанува да биде статусно неутрален“, рече Дачиќ.
Регион
Откриено кој го возел „пунтото“ во моментот на исчезнувањето на Данка
Кој го управувал автомобилот „пунто“ е откриено од видеото во случајот со исчезнувањето на девојчето Данка.
Преземено е видео од надзорната камера лоцирана во дворот на куќата на сосетката Јасмин Стојадиновиќ од Бањско Поле, која била прегледана од полицијата во текот на истрагата за исчезнувањето на Данка Илиќ (2) од Бор.
На видеото се гледа зелен автомобил „пунто“, кој во моментот на исчезнувањето на девојчето се движел по улицата со голема брзина. Возилото наводно било управувано од маж. Сепак, оваа информација не го олесни пребарувањето многу. Познато е дека бил сослушан во полиција.
Утврдено е дека се работи за сосед што живее недалеку од местото на кое исчезна Данка Илиќ. Според информациите, мажот бил во алкохолизирана состојба и возел со голема брзина.
Девојчето исчезна на 26 март во 13.45 часот.
Свет
„Њујорк тајмс“: Американските разузнавачки служби не ги споделиле со своите руски колеги сите информации што ги имале за заканата од терористички напад
Американските разузнавачки служби не ги споделиле со своите руски колеги сите информации што ги имале за заканата од терористички напад во градското собрание Крокус поради страв да не ги откријат нивните извори, пишува „Њујорк тајмс“ повикувајќи се на претставници на европската и американската безбедност, пренесува „РИА новости“.
„Непријателските односи меѓу Москва и Вашингтон ги спречија американските официјални лица да споделат повеќе информации за терористичкиот заговор поради страв дека руските власти би можеле да дознаат за нивните разузнавачки извори или методи“, се вели во написот.
Како што изјави директорот на ФСБ, Александар Бортников, Вашингтон на почетокот на март пренел информации за подготовка на терористички напад во Русија, но тој бил од општа природа. Тој истакна дека таквите податоци од САД не се секогаш конкретни.