Свет
Сопругата на полицаецот кој го задави Флојд побара развод
Кели Човин (45) е сопруга на поранешниот полицаец од Минеаполис, Дерек Чавин (44), кој е обвинет за убиство на Џорџ Флојд (46) за време на насилното апсење. Кели, шокирана од делото на нејзиниот сопруг, поднела барање за развод.
Три дена по убиството, Кели го напуштила сопругот, кого го запознала додека работела како радиолог во болница. Тие се венчале во 2010 година, а за неколку дена требало да прослават 10-годишнина од бракот. Претходно Кели била во брак со Кујаи Ксионг, со кого има два возрасни сина.
Кели живеела три години во бегалски камп, а во Америка пристигнала како дете, каде што научила да зборува англиски. Имињата на нејзините родители не се познати.
Пред две години, таа учествувала во Изборот за госпоѓа на Минесота, каде што се натпреваруваат постари кандидатки и победила. Набргу потоа, таа отишла во Лас Вегас за да учествува на Изборот за дама на Соединетите Држави, но не победила.
Била мис и имала диплома од радиологија, а во болницата во Минеаполис работела 13 години. Нејзината последна работа била во агенција за недвижнини, додека во моментот е невработена.
Иако не работи никаде, Кели изјави дека се откажува од своето право на привремена или трајна алиментација од нејзиниот сопруг. Кели не сака да дава изјави за медиумите во моментот.
Чавин го притискал вратот на Флојд со коленото точно осум минути и 46 секунди. Од моментот кога Флојд престанал да реагира, тој го притискал уште две минути и 53 секунди. Дерек е обвинет за убиство од трет степен и за убиство без умисла, а во Минесота за тоа е предвидена казна до 25 години затвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Снимка од приведувањето на три лица во БиХ кои на Тикток објавија дека ја држат Данка
Тројца мажи кои синоќа беа уапсени од Федералната полициска управа (ФУП), а по наредба на српската полиција, синоќа се донесени во просториите на ФУП во Сараево на понатамошна обработка.
Федералната полициска управа на Босна и Херцеговина, врз основа на информации од Министерството за внатрешни работи на Република Србија, Управа за технологија, уапси три лица кои се сомничат дека преку социјалната мрежа Тикток објавиле дека се поврзани со исчезнување на девојчето Данка Илиќ.
Уапсени се Б.Т.(2002), М.Т.(2001) и З.Т.(1972). Полицијата извршила претрес и утврдила дека информациите што ги дале се лажни.
Во текот на ноќта тројката заедно со Хаџиќ се донесени во просториите на ФУП, каде потоа ќе бидат предадени на надлежниот обвинител за понатамошна постапка, а видеото од нивното приведување го објави Министерството за внатрешни работи на Србија.
Свет
Голем руски ракетен напад врз украинските централи, штетата е голема
Русија ги нападна термоцентралите и хидроцентралите во централна и западна Украина со проектили и беспилотни летала, во уште еден од серијата напади врз веќе оштетената енергетска инфраструктура, објави електроенергетскиот оператор „Укренерго“.
„Во масовен и комбиниран напад, руските сили повторно ги гаѓаа енергетските објекти во текот на ноќта“, објави Укренерго на Телеграм. Оштетени се термоцентралите и хидроцентралите во централниот и западниот регион“, додава операторот.
Според локалните власти и министерот за енергетика Герман Гелушенко, нападнати биле енергетските објекти во областа Камиаске во близина на градот Днепро и енергетската инфраструктура во регионите Дњепропетровск, Полтава и Черкаси.
„Објектите за производство на електрична енергија беа нападнати со беспилотни летала и проектили“, рече Гелушенко.
Најголемата приватна енергетска компанија ДТЕК потврди дека биле нападнати три нејзини термоцентрали. Дистрибутерот на електрична енергија оваа недела објави дека ДТЕК изгубил околу половина од својот производствен капацитет.
Украинската армија објави дека соборила 58 од 60 лансирани руски беспилотни летала и 26 од 39 проектили.
Регион
Два силни земјотреси го погодија југот на Грција
Земјотреси со јачина од 5,7 и 4,3 степени според Рихтеровата скала утрово го погодија југот на Грција, соопшти Геодинамичкиот институт во Атина.
Земјотрес со јачина од 5,7 степени се случи во 9 часот и 12 минути на подрачјето на Јонското Море, а минута претходно е регистриран земјотрес со јачина од 4,3 степени, пренесува Катимерини.
Двата земјотреси беа почувствувани во многу региони на Грција, вклучувајќи ја и Атика. Професорот по динамичка тектоника и применета геологија Ефтимис Лекас на платформата Х напиша дека нема повредени и дека не е причинета штета, додека директорот на Геодинамичкиот институт Атанасиос Ганас рече дека причината што не е причинета материјална штета е тоа што зградите во областа се изградени според строги антисеизмички прописи.
Ганас изјави дека земјотресот со јачина од 5,7 степени според Рихтеровата скала бил на длабочина од 20 километри, во централното Јонско Море, на допир на евроазиската и африканската плоча. Жителите од погодените подрачја велат дека противпожарните патроли ги утврдуваат сите проблеми предизвикани од земјотресите.