Европа
Со 84 години го истрчала Лондонскиот маратон
Ејлин Нобл која има 84 години вчера го истрча Лондонскиот маратон со време од 6 часа, 28 минути и 7 секунди.
Таа беше најстариот учесник на маратонот и сите го пофалија нејзиното време, со оглед на тоа што некои тркачи помлади и по 20-30 години останаа далеку зад неа.
Ејлин низ целта мина со насмевка.
Congratulations to Eileen Noble! ??
The 84 year-old was the oldest female runner at this year’s Virgin Money London Marathon finishing in an amazing time of 06:28:07!#LondonMarathon #ThanksaBillion pic.twitter.com/XW4JyLss8m
— Virgin Money London Marathon (@LondonMarathon) April 28, 2019
И минатата година учествувала на маратонот. Трча од своите 50-ти години и досега учествувала на 18 маратони.
„Не мислам на себеси како на најстариот учесник, туку како на еден од останатите“, изјави Нобл пред трката.
No Chops this week, so catch up with last week’s in which @inspireajen chats to Marathon Woman Eileen Noble, then go and give her a cheer as she runs her 19th #marathon in today’s London event. https://t.co/H0J8Cvafe2 pic.twitter.com/Kbm9ETotVh
— Standard Issue (@StandardIssueUK) April 28, 2019
Повеќе од три децении таа трча четири пати неделно и вели дека тоа ја прави среќена, пренесува порталот „Кликс“.
„Кога сте под стрес или имате некоја грижа, трчате и се чувствувате подобро. Ќе се вратите дома среќни. Не можам да го замислам мојот живот без да трчам“, објаснила таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.