Свет
Според Путин, со монголскиот претседател го поврзува џудото
Рускиот претседател Владимир Путин смета дека заедничкиот интерес за џудо му помага нему и на монголскиот претседател Калтмагин Батулга „да останат на иста бранова должина“ и да одржуваат ефективен дијалог.
„Заедничките интереси и сличниот начин на размислување ни помогнаа брзо да воспоставиме меѓусебно разбирање или иста бранова должина“, рече рускиот лидер во интервју за монголските весници пред неговата посета на главниот град Улан Батор, пренесува ТАСС.
Според Путин, двајцата претседатели се трудат да се сретнат не само на политички настани или економски форуми туку и на светски првенства во џудо.
Рускиот претседател рече дека Батулга вежбал џудо и самбо борење и го опишал како „меѓународно признат мајстор на борачки вештини“.
„За мене, џудото не е само спорт. Џудото ја поттикнува волјата, почитта кон другите, истрајноста, можноста достоинствено да се справиш со тешки ситуации“, заклучува Путин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.