Свет
„Спутник“ со нов доказ за постоењето таен украински затвор во Мариупол
„Спутник“ дојде до нов документарен доказ за постоење таен затвор на Киев на аеродром во источниот украински град Мариупол и планира преку серија статии да ја објави својата истрага за затворот, кој го води озлогласениот баталјон „Азов“ на украинската Национална гарда со скриена поддршка на Службата за безбедност на Украина (СБУ).
На прес-конференција во Москва во март, поранешниот офицер на СБУ, Василиј Прозоров, претстави фотографии со кои се докажува постоењето на овој неофицијален затвор. Тој тврди дека повеќе од 300 луѓе поминале низ овој затвор во летото и есента 2014 година, а две лица починале во текот на овој период.
„Спутник“ ги интервјуирал и поранешните затвореници и затворскиот персонал за да го докаже постоењето на затворот. Тие исто така поседуваат видеоматеријали и медицински докази обезбедени од Украина и од самопрогласената Донецка Народна Република.
Освен тоа, набљудувачката мисија на ОН за човекови права во Украина го потврди за „Спутник“ постоењето на овој таен затвор.
Олга Селецкаја, жителка на Мариупол, која учествувала на митинзите за поддршка на федерализацијата на Украина, била меѓу оние што биле притворени во затворот. На 29 август 2014 година офицерите на Азовскиот баталјон ја притвориле во центарот на Мариупол. Според Селецкаја, меѓу нив бил и Прозоров.
Селецкаја исто така потврди дека Прозоров бил присутен за време на сослушувањата во својство на офицер на СБУ. Жената исто така препознала тројца затвореници на фотографиите што ги обезбедил Прозоров.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите кои ќе траат шест недели, а ќе гласаат околу 970 милиони гласачи
Денеска започнаа најголемите избори во светот, а околу 970 милиони регистрирани гласачи во Индија учествуваат во овој огромен процес кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарди жители. Гласачите всушност не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави Дојче веле.
На натпреварот учествуваат шест национални партии, 57 партии од индиски сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формираше сојуз од 28 партии наречен Индискиот национален развој инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира откако ќе се разјасни неговата природа.
– Во секој случај, без разлика на се, продолжуваме да се залагаме за воздржаност од двете страни за да нема дејствија што би предизвикале натамошна ескалација на тензиите во регионот – рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала Шахед од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.