Регион
(Видео) Српски платеници во Запорожје: Се случува истото како во Југославија, дојдовме да им помогнеме на нашите браќа
Српски платеници пристигнаа на фронтот во Запорожје, тврдат членовите на „Русско-српското друштво орли“.
Како што наведоа на апликацијата за пораки Телеграм, баталјонот именуван по советскиот генерал Павло Судоплатов „беше полн со доброволци од братска Србија, кои пристигнаа во регионот Запорожје за да ги заштитат нашите граници“.
„Момците од Белград се вистински патриоти. Нашите браќа по оружје пристигнаа во регионот на Запорожје, и покрај забраната на српското законодавство за српските граѓани да учествуваат во специјална воена операција“.
Како што рекоа, служеле во воената полиција дома во Србија и се мајстори за боречки вештини.
„ Денеска застанаа на линија со нашите момчиња, докажувајќи ја не со зборови, туку со дела нивната лојалност кон Русија и подготвеноста да се борат против нацизмот – рече шефот на областа Запорожје, Евгениј Балицки.
На фотографиите кои ги објавија се гледа група војници како и возила со симболот „З“. На руските профили на Телеграм беше објавено и видео на кое се гледаат двајца од српските платеници.
1/2 Two other 🇷🇸Serb mercenaries fighting with 🇷🇺Russia against 🇺🇦Ukraine with “Sudoplat’s Battalion”.
According to Russian Telegram, both of them were 👮♂️police officers in Serbia.
"The war in Ukraine is now calming down, while in 🇽🇰Kosovo you never know what could happen". pic.twitter.com/wSKJIZURb5
— John Jackson (@JohnJac49044910) January 13, 2023
На видеото се гледаат вооружени маскирани мажи во воен камион со кои разговара Русин.
– Нашите браќа дојдоа од Србија. Зошто дојдовте, која е вашата цел? Што ве поттикна да дојдете во нашата единица? – тој прашува.
– Видовме дека се случува истото, како во деведесеттите во Југославија. Истото зло, империја, НАТО, Британија, Америка сега работат против нашите браќа и ние дојдовме овде да им помогнеме – рекол еден од нив на српски јазик. Наводно и двајцата биле припадници на српската полиција.
Друг одговараше на прашањето што ги чека Србија и Русија во иднина и зборуваше за ситуацијата во Косово.
1/2 Two other 🇷🇸Serb mercenaries fighting with 🇷🇺Russia against 🇺🇦Ukraine with “Sudoplat’s Battalion”.
According to Russian Telegram, both of them were 👮♂️police officers in Serbia.
"The war in Ukraine is now calming down, while in 🇽🇰Kosovo you never know what could happen". pic.twitter.com/wSKJIZURb5
— John Jackson (@JohnJac49044910) January 13, 2023
– Мислам дека војната во Украина треба да заврши побрзо. Дека полека стивнува, се смирува, а на Косово никогаш не се знае што може да се случи. Ситуацијата е многу напната – одговорил друг маскиран на српски јазик.
Додека тие зборуваат, во позадина се слуша шум налик на истрел. Не се знае каде и кога е направена снимката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.