Контакт

Свет

Стејт департментот го дозволува за лицата со уредни визи влезот во САД

Објавено пред

Американскиот Стејт департмент ќе им дозволи на лицата со уредни визи да влезат на територијата на САД, во согласност со одлуката на федералниот судија во Сиетл со којашто се попречува привремено спроведувањето на указот на претседателот Доналд Трамп за ограничување на имиграцијата поради заштита од тероризам кое се однесуваше на државјани на седум доминатно муслимански земји, соопштија во саботата претставници на администрацијата.

dobivaj vesti na viber

„Министерството за правосудство нé информираше (Стејт департментот) за решението на федералниот суд на државата Вашингтон, кој ѝ наложува на федералната влада да го запре спроведувањето на одредените одредби од извршниот указ 13769 (што го потпиша претседателот Доналд Трмап на 27-ми јануари), вклучително и оние кои се однесуваат на визите. На лицата со визи кои не се физички поништени сега може да патуваат (во САД) доколку визата е валидна“, се наведува во интерпретацијата на соопштението кое неименуван извор од американската дипломатија го цитирал за агенциите.

Додал дека на новинарите ќе им бидат доставени подетални информации за ова прашање, веднаш штом ќе се појават. Од Стејт департментот не одговориле кои би биле следните чекори во врска со споменатата судска одлука, на прашањето на агенцијата ТАСС.

Во согласност со истата одлука на федералниот судија, министерството за внатрешна/татковинска безбедност повеќе нема да ги означува патниците од земјите кои се најдоа на удар на извршниот указ на претседателот, соопшти портпаролката на министерството, пренесува телевизиската мрежа ABC News.

Министерството за правосудство потврдило дека има намера во најкус можен рок да ја суспендира споменатата одлука на федералниот судија.

„Министерството за правосудство има намера во најкус можен рок да ја суспендира оваа нечуена одлука и да ја одбрани извршната уредба на претседателот, којашто, веруваме е законска и соодветна“, изјави за Reuters портпаролката на министерството Џилиен Кристенсен.

Претходно во петокот федералниот судија во Сиетл, Џејмс Робарт донесе одлука за привремена забрана за спроведување на указот на претседателот Трамп. Привременото ограничување се однесува на претседателскиот извршен указ според кој во рок од 90 дена се суспендира влегувањето на територијата на САД на државјаните од седумте земји со претежно муслиманско население, иако во указот зборот ислам не се споменува. Овој судски налог важи за целата земја.

Судијата Робарт ја разгледуваше тужбата поднесена со цел да се укинат одредбите од указот на претседателот Трамп за заострување на контролата на имиграцијата, кој пред федералниот суд во Сиетл претходно ја поднесе главниот обвинител на државата Вашингтон. Како што истакна обвинителот Боб Фергусон, неговата цел е судот да ги поништи мерките како неуставни. На тужбата се приклучија и властите на државата Минесота. Привремената забрана за спроведување на указот донесена од судијата Робарт ќе биде активна, додека тужбата ќе ја разгледува судот.

Одлуката на судијата Џејмс Робарт кого го именуваше републиканскиот поранешен претседател Џорџ В. Буш помладиот, привремено ја блокира привремената забрана жителите на Ирак, Иран, Либија, Судан, Сирија, Сомалија и Јемен да патуваат во САД.

Жалбата се темелеше на тврдењата дека одлуката ѝ штетела на таа сојузна држава, наведувајќи дека студенти и професори не можат да допатуваат. Жалбата ја поддржаа и компаниите „Amazon“ и „Expedia“, американски компании чие седиште е во оваа држава, кои тврдат дека уредбата им штетела на нивното работење.

Робарт, исто така, наведе дека ниеден од државјаните од споменатите земји не извел терористички напад на американска територија. „За да одлуката на претседателот биде уставна, таа мора да се темели на фати, а не на фикција“, реле судијата во саботата.,

Трамп, пак, ја исмеа одлуката на судијата Робарт и порача дека ќе ја поништи. „Мислењето на таканaречениот судија коешто во суштина ѝ го одзема на нашата држава спроведувањето на законот е смешно и ќе биде поништено“, објави претседателот на Twitter.

Портпаролот на Белата куќа, Шон Спајсер ја нарече пресудата „срамотна“. Набрзо Белата куќа издаден ново соопштение од кое беше отстранета ова оцена./крај/мф/сн

Свет

Полска истражува наводна руска шпионажа

Објавено пред

Полската агенција за внатрешна безбедност изврши претреси како дел од истрагата со други европски безбедносни служби за наводна руска шпионажа, беше соопштено денеска.

dobivaj vesti na viber

Полска, западниот воен центар за снабдување на Украина, која се бори против руската инвазија, вели дека станала главна цел на руските шпиони. Ја обвинува Москва и нејзиниот сојузник Белорусија дека се обидуваат да ја дестабилизираат.

„Документирани се акции насочени кон организирање проруски иницијативи и медиумски кампањи во земјите на ЕУ“, се вели во соопштението, повикувајќи се на интернет порталот voice-of-europe.eu, за кој велат дека објавил проруски материјали.

Претресите беа извршени во вторникот во Варшава и Тихи во западна Полска, се вели без дополнителни детали.

Операцијата била координирана со други земји, особено со партнери од Чешка, се наведува.

Во средата, чешката влада санкционираше две лица, меѓу кои и прорускиот украински политичар Виктор Медведчук и интернет порталот voiceofeurope.com, за, како што рече, водење на операција за проруско влијание во Европа.

Последните дејствија произлегоа од истрагата завршена во јануари оваа година, во која полски државјанин беше обвинет под сомнение дека шпионирал за руските специјални служби.

 

Прикажи повеќе...

Свет

Во Франција за Велигден ќе биде распоредена полиција пред секоја црква

Објавено пред

Францускиот министер за внатрешни работи Жералд Дарманин денеска им нареди на полициските началници да распоредат сили за ред пред сите католички и протестантски цркви за време на Велигден.

dobivaj vesti na viber

Во СМС порака до полициските началници, Дарманин напиша дека „многу високото“ ниво на терористичка закана и „продолжувањето на тензиите“ на меѓународната сцена, особено со војната во Газа и нападот во Москва, „бара исклучителна будност“. за време на велигденските празници овој викенд.

Тој, исто така, додаде дека е неопходно да се воспостави „визуелна контрола на луѓето кои влегуваат во верските објекти за да се откријат сомнителни лица“ и дека „посебно внимание треба да се посвети на „возилата стационирани во близина на големите собири“.

Дарманин дал инструкции за „зголемено физичко присуство на полицијата пред секоја црква или еврејски храм“ од петок до крајот на неделата.

Од почетокот на годината во Франција спречени се два напади. Националното обвинителство за тероризам објави дека еден од тие напади вклучува „џихадистичка идеологија“ насочена против католичка институција.

Велигден, со кој се слави Христовото воскресение, е најголемиот христијански празник. Католиците и протестантите го слават овој викенд, а православните верници на 5 мај.

Прикажи повеќе...

Регион

„Во семејството не смее да постои ниту една тајна, верувам дека детето е со некого и дека не е надвор“: Јуриќ за случајот со исчезнатата Данка

Објавено пред

Основачот на Центарот за исчезнати и малтретирани деца, Игор Јуриќ, учествувајќи во емисија во живо, кажа нови детали од истрагата за случајот со исчезнатата Данка Илиќ објаснувајќи зошто потрагата на терен била прекината по 27 часа.

dobivaj vesti na viber

„Не, тоа апсолутно не значи дека некои работи се откриени, напротив, значи само дека нема потреба да се троши работна сила и да се насочува енергија кон тој дел од теренот, кој е целосно и темелно прегледан. Штом немаме дополнителни информации, истрагата продолжува, сега истрагата тргна во друга насока и се вршат некои оперативни дејства поврзани со сознанијата за самото девојче“, изјави Јуриќ.

Тој вели дека во случаите на исчезнување на детето родителите мора да споделат сè со полицијата, дури и најинтимните семејни тајни, кои може да бидат важни во тие моменти.

„Кога зборуваме за овие ситуации, кога детето ќе исчезне, едноставно, не смее да има никакви тајни во семејните односи, напротив, треба целосно да ѝ помогнете на полицијата. Ако имате каква било ситуација што може да доведе до несакан настан, во случајот исчезнување мало девојче, мора да кажете сè што знаете“.

Основачот на Центарот за исчезнати и малтретирани деца вели дека во деновите кога не знаеле каде е ќерка му Тијана Јуриќ посакувал некој да излезе и да побара откуп.

„Навистина верувам и го чекам соопштението на полицијата за да видам кое е конечното решение за оваа драма, но, дефинитивно, бев среќен што детето не беше пронајдено на тој простор, особено таа прва вечер бидејќи тешко дека детето може да преживеало таму во тие услови. Кога исчезна Тијана, се надевавме дека некој ќе ни побара откуп и дека е жртва на киднапирање, некако сега се надевам дека има шанси детето поради некоја причина да е со некои луѓе и да е уште живо. Таа надеж постои во нашите глави, но од нашето искуство мораме да бидеме подготвени за најлошите вести.

Според него, добро е што е пребарана областа и последната надеж е дека некој е вмешан и дека детето е скриено поради некоја причина.

„Сега очекувам дека оперативците на МУП ќе завршат добра работа и дека, конечно, ќе ја дознаеме вистинската вистина.

Игор Јуриќ зборуваше и за активирање на системот „Најди ме“.

„Системот го активираат началниците на полициските одделенија, во случајот тоа беше полициското одделение каде што детето исчезна. Кога ќе се процени дека детето е во опасност, системот се активира. Она што беше специфично во овој случај е дека детето е екстремно мало, самите околности беа многу чудни и полицијата бргу реагира и поради возраста на детето, темелно го пребара теренот.

„Полицијата се погрижила да не го загрози дополнително животот на детето и да ги истражи сите околности, детето да не биде жртва на киднапирање, да не се бара откуп и слично, затоа системот бил активиран околу 7 часот“, објаснува тој.

Прикажи повеќе...

Најново

Македонија31 минута

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија2 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија3 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија4 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ5 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија5 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија6 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија8 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет9 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет9 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија9 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион9 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет10 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет10 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија1 ден

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија1 ден

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија1 ден

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија1 ден

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...