Свет
Столтенберг сака Русија да преземе одговорност за соборениот малезискиот авион
Генералниот секретар на НАТО, Јенс Столтенберг, сака Русија да ја признае одговорноста и целосно да соработува во истрагата за соборувањето на летот МХ17 на „Малезија ерлајнс“ над источната Украина во 2014 година при што загинаа сите 298 патници како директна последица на руската агресија врз Украина, пренесува „Њу јуроп“.
„Се согласувам со холандската влада која ја повикува Русија да ја преземе одговорноста за соборувањето“, рече Столтенберг.
Холандија и Австралија ја обвинија Русија за уривањето на авионот откако меѓународните инспектори утврдија дека противвоздушниот систем БУК, кој е виновен за уривањето на авионот, ѝ припаѓал на Русија.
Столтенберг исто така рече дека на денешниот состанок на Парламентарното собрание на НАТО во Варшава, членките на НАТО ќе разговараат за Русија, како и за предизвиците поврзани со зголемените воени активности близу до границите на НАТО .
Столтенберг, наведувајќи ги руското мешање во изборите, сајбер-нападите и употребата на воена сила против соседните земји кажа дека порешителна Русија претставува еден од најголемите безбедносни предизвици за земјите од НАТО. Генералниот секретар на пратениците на парламентарното собрание на НАТО одржано во Варшава им вети дека воениот пакт ќе одговори на тој предизвик со комбинација од заплашување и политички дијалог.
Украина и Грузија беа опишани како „блиски партнери на НАТО“, а Столтенберг најави продолжување на политичката поддршка на двете земји кои граничат со Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Египет го достави предлогот на Хамас до Израел за едногодишен прекин на огнот во Газа
Египетските власти му доставија на Израел предлог изготвен од Хамас, со кој се бара едногодишен прекин на огнот во Појасот Газа во замена за радикалните Палестинци да ги запрат нападите врз израелските сили, објави ТВ каналот Ал Хадат со седиште во Дубаи.
Според извештаите, Египет го доставил предлогот на Хамас до израелската делегација. Изворите наведоа дека и Египет презентирал сопствена иницијатива, барајќи од Израел целосно да ја прекине операцијата во градот Рафах на југот на Појасот Газа во близина на египетската граница, пренесе ТАСС.
За возврат, египетските власти ветуваат дека ќе обезбедат „напредок во разговорите“ со радикалните палестински групи за ослободување на израелските заложници што ги држат во Појасот Газа, велат изворите.
На 1 декември 2023 година, израелската армија го обвини Хамас за кршење на примирјето што стапи на сила на 24 ноември и за продолжување на борбените операции во Појасот Газа.
Европа
Писториус: Русија произведува повеќе оружје отколку што и е потребно за војната во Украина
Германскиот министер за одбрана Борис Писториус тврди дека Русија произведува повеќе оружје отколку што и е потребно за да ја продолжи својата специјална воена операција во Украина.
Во интервју за телевизијата „АРД“, тој беше прашан дали го дели стравот на балтичките земји дека Русија ќе може да ја нападне територијата на НАТО за неколку години, тој одговори дека нема кристална топка за да ја предвиди иднината, пренесе ТАСС.
„Но, она што го велат воените експерти и специјалистите за оружје е дека Русија го зголемува производството на оружје“, рече тој.
Писториус истакна дека поголемиот дел од произведеното не се испраќа на фронт, туку оди во магацини. Според германскиот министер за одбрана, во случај на ескалација ќе биде вклучено целото НАТО.
„Во тој случај треба да можеме да се одбраниме, да водиме војна која ќе ни биде наметната. Затоа не штедиме напори за соодветно опремување на вооружените сили во Европа, во НАТО“, додаде тој.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.