Свет
Столтенберг ќе го продолжи мандатот поради војната во Украина?
Генералниот секретар на НАТО Јенс Столтенберг е подготвен да прифати продолжување на мандатот на чело на Северноатлантската алијанса за уште една година поради војната во Украина, соопштија денеска норвешкиот јавен сервис ТВ2 и дневниот весник „Дагенс Нерингслив“.
Мандатот на Столтенберг истекува на 1 октомври, а тој требаше да ја преземе улогата на гувернер на централната банка во Норвешка на крајот на 2022 година, потсетува „Ројтерс“.
Но, на прашањето дали може да остане во НАТО, Столтенберг рече дека таква одлука мора да донесат земјите членки на алијансата. Минатиот месец норвешката влада ја назначи заменичката на централната банка, Ида Волден Бахе, за гувернер на девет месеци, а Столтенберг требаше да ја преземе таа функција на крајот на 2022 година.
Генералниот секретар на НАТО денеска изјави дека секој напад на Русија со хемиско оружје врз Украина ќе го промени текот на војната, но не кажа дали НАТО во тој случај ќе преземе воена акција.
Прашан дали нападот со хемиско оружје е црвена линија за НАТО, Столтенберг рече дека нема да шпекулира „надвор од фактот дека НАТО е секогаш подготвен да се брани, заштити и да реагира на секаков вид напад врз сојузниците на НАТО“, пренесува АП.
Тој додаде дека секоја употреба на хемиско оружје суштински ќе ја промени природата на конфликтот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Стивен Сигал ги посети жртвите од терористичкиот напад во Москва
Актерот Стивен Сигал ги посети жртвите од терористичкиот напад во градското собрание Крокус во предградието на Москва, соопшти прес-службата на Министерството за здравство на Русија.
Сегал рече дека нападот е „страшна трагедија што не требаше да се случи“.
„Мислам дека Русија ќе послужи како пример и дека светот ќе разбере дека тоа не може да се направи на ниту една нација и да остане неказнето“, рече тој, пренесува РИА Новости.
Свет
Почина Џо Либерман, долгогодишен демократски сенатор во американскиот Конгрес
Џо Либерман, долгогодишен демократски сенатор во американскиот Конгрес од државата Конектикат и поранешен кандидат за потпретседател на САД, почина во средата на 82-годишна возраст.
Семејството на политичарот соопшти дека Либерман починал поради компликации предизвикани од падот, пренесува американскиот портал Политико.
Тој беше првиот еврејски кандидат на гласачкото ливче на големите американски партии, во 2000 година со претседателскиот кандидат Ал Гор.
Едно од неговите најголеми наследства е учеството во формирањето на Министерството за внатрешна безбедност по терористичките напади од 11 септември 2001 година.
Подоцна, во 2004 година, тој неуспешно се обиде да стане претседателски кандидат на Демократската партија, бидејќи демократите го сметаа за „премногу близок со републиканците“, според Политико.
Од политиката се повлече во 2012 година, а последен пат се врати во 2023 година како претставник на организацијата „Без етикети“, која на Американците требаше да им обезбеди трета опција, покрај Републиканската и Демократската партија.
Свет
Дупка од 10 метри голтна автомобили во Рим, полицијата ја затвори улицата
Бездна длабока и широка околу 10 метри проголта два автомобили среде ноќ во Рим, поради што интервенираше полицијата.
Инцидентот се случил околу еден часот по полноќ, а две возила, Дачија и Рено, завршиле во дупка, пренесува Телеграф.
Полицијата веднаш реагирала, ја затворила улицата и го обезбедила просторот, јавуваат италијанските медиуми.
Се уште не се знае зошто се урнал асфалтот.
Не се знае дали има повредени во инцидентот.