Свет
Студент од Данска штрајкува со глад поради климатските промени
Деветнаесетгодишен студент од Данска почна штрајк со глад за да ги предупреди политичарите од неговата земја на неопходноста од носење на храбри климатски политики.
„Сакам политичарите во Данска да се разбудат и најпосле да направат нешто за климатските промени“, изјави Микел Брикс за германската агенција „ДПА“.
Нагласи дека ќе штрајкува до 5-ти јуни, кога се одржуваат парламентарните избори во Данска. Климатската криза предолго се игнорира, нагласи Брикс, но сега барем се зборува за тоа.
„Време е да подвлечеме вистински потези“, додаде Брикс кој последниот топол оброк го консумирал во понеделникот вечерта.
Анкетите покажаа дека климатските промени се главна грижа на данските избирачи на парламентарните, но и на изборите за европскиот парламент.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Драма во Америка: во куќа пронајдени тела на пет лица, меѓу нив и деца
Телата на пет лица, меѓу кои и две деца, се пронајдени во куќа во Оклахома Сити, соопшти денеска американската полиција.
Получникот Гери Најт од полицијата на државата Оклахома изјави дека загинатите биле семејство и дека починале од насилна смрт, пренесува „Ен-би-си њуз“.
Најт додаде дека полицијата сè уште не може да открие што точно откриле инспекторите.
Полицијата беше испратена во дом на 20-ина милји западно од центарот на Оклахома Сити под сомнение дека таму се наоѓаат телата, рече Најт.
Според него, на сите тела имало повреди, кои изгледале како да се работи за убиство.
Свет
Швајцарија ги замрзна руските средства во вредност од 5,8 милијарди франци
Швајцарија го замрзна рускиот имот во вредност од 5,8 милијарди швајцарски франци или 5,95 милијарди евра, објави денеска Државниот секретаријат за економски прашања на земјата (SECO).
Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.
Вредноста на замрзнатите руски средства во Швајцарија е значително помала отколку на крајот на 2022 година кога изнесуваше 7,5 милијарди швајцарски франци, пренесува „Ројтерс“.
Регион
(Видео) Во Хрватска падна снег
На подрачјето на Горски Котар во Хрватска синоќа падна снег, а на места имаше и вистинска снежна покривка.
Снег ја зафати и горанската делница на автопатот А6 Риека – Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.