Свет
Таблоид казнет поради прикривање на приказната за љубовницата на Трамп
Издавачот на таблоидот обвинет за прикривање на приказната за наводната поранешна љубовница на поранешниот американски претседател Доналд Трамп во 2016 година се согласи да плати казна за кршење на изборните закони во САД.
Трамп нема да биде казнет ниту, пак, ќе биде предмет на дополнителни истраги, пресуди Федералната изборна комисија (ФЕЦ), пренесува Би-би-си.
ФЕЦ откри дека парите уплатени на поранешната плејбој-манекенка Карен Мекдугал за време на претседателските избори претставуваат нелегален придонес во кампањата.
Издавачот „Нешнал енквајерер“ ќе плати казна од 187.500 американски долари.
Поранешниот претседател претходно негираше дека имал афера со Мекдугал.
The FEC has fined the National Enquirer’s parent co. $187,500 for “knowingly and willfully” violating election law by making a payment in 2016 to Karen McDougal, an ex-Playboy model who said she had an affair with former Trump years before he was elected https://t.co/5K4YbD85ki
— Yahoo News (@YahooNews) June 3, 2021
Таа рече дека ја продала својата приказна на „Енквајерер“ за 150.000 долари и склучила договор со кој ѝ е забрането јавно да зборува за наводната афера со Трамп од 2006 година.
Во пресудата на ФЕЦ се вели дека издавачот на „Енквајерер, „Американ медиа“, свесно и намерно ги прекршил изборните закони плаќајќи ја приказната на Мекдугал и никогаш не ја објавил во практиката позната како „фати и убиј“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.