Свет
Талибанците бараат да се обратат на Генералното собрание на ОН
Талибанците побараа да им се обратат на светските лидери пред Обединетите нации, a за таа пригода го назначија својот портпарол во Доха, Сухаил Шахин.
Талибанскиот министер за надворешни работи Амир Кан Мутак писмено побара од генералниот секретар на Обединетите нации, Антонио Гутереш, нивниот претставник да се појави во Њујорк.
Мутаки побара од Шахин да зборува за време на годишното Генерално собрание на Обединетите нации, кое завршува в понеделник, на 27 септември.
Портпаролот на Гутереш, Фахран Хак, потврди дека Мутаки испратил писмо, а „Ројтерс“ додава дека со овој потег почнува судирот на талибанците со Гулам Исачај, амбасадорот на соборената влада на Авганистан.
Хак рече дека барањата на ривалите за местото на Авганистан во Обединетите нации биле испратени до телото од девет членови, вклучително и претставници на САД, Кина и Русија. Меѓутоа, тоа тело нема да се состане пред понеделник, па под знак прашалник е дали талибанците ќе успеат воопшто да им се обратат на светските лидери.
Доколку ОН на крајот прифатат талибанскиот амбасадор да се обрати, тоа ќе биде значаен чекор на исламистичката група кон меѓународно признавање, што би можело да ги отклучи потребните средства за колабираната авганистанска економија.
Гутереш рече дека желбата на талибанците за меѓународно признавање е единствениот лост што другите земји можат да го искористат за да ги притиснат да формираат инклузивна влада, да ги почитуваат човековите права, особено жените.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вонредна состојба во регион во Русија, поради несреќа во рудник затрупани 13 лица
Во Амурската област, на рускиот далечен исток, воведена е вонредна состојба поради инцидентот во рудникот за злато „Пионир“, во областа Зеја, каде 13 лица останаа заробени под урнатините поради пад на карпа, соопштија од тој регион.
„Во Амурската област е воведена регионална вонредна состојба поради инцидентот во рудникот Пионир во областа Зеја со цел да се мобилизираат сите сили и ресурси. Оваа одлука е донесена на вонредна седница што ја одржа регионалниот гувернер“, се вели во соопштението на локалната самоуправа.
Претставник на службата за вонредни состојби за РИА Новости изјави дека во рудникот во моментот на уривањето имало 13 лица. Групата спасувачи, главно од Руската Република Јакутија, се состои од 25 вработени, а со нив пристигнале и четири парчиња опрема.
Покрај тоа, хеликоптерот Ми-8 на руското Министерство за вонредни ситуации полета од територијата Хабаровск до местото на несреќата, пренесува Интерфакс. Од оперативните служби за Интерфакс велат дека, според првичните информации, луѓето се на длабочина од 100 до 150 метри, а засега нема информации за можни жртви.
Свет
Силен земјотрес го погоди Пакистан
Земјотрес со јачина од 5,5 степени според Рихтеровата скала ја погоди провинцијата Белучистан во Пакистан, соопшти германскиот истражувачки центар за геонауки (ГФЗ).
ГФЗ додаде дека земјотресот бил на длабочина од 10 километри, пренесува Ројтерс.
Засега нема информации за жртви, а не се знае и колкава е штетата предизвикана од земјотресот.
Свет
Дваесет загинати во израелски воздушни напади
Дваесет Палестинци се убиени рано утринава во израелските воздушни напади врз Рафах, како и врз централниот дел на Појасот Газа, соопштија здравствените власти во енклавата.
Тие додадоа дека во Рафах, на југот на енклавата, каде во моментов се наоѓаат над милион Палестинци, 14 лица загинаа, а десетици други се ранети во нападите што погодија неколку куќи и станови.
Уште шест лица загинаа во вториот воздушен напад врз куќа во бегалскиот камп Ал-Нусеират во централниот дел на Појасот Газа, додадоа официјални лица.
Деир Ал Балах, град во централниот дел на Појасот Газа, на околу 14 километри јужно од градот Газа, исто така беше бомбардиран во текот на ноќта, јавува Ројтерс.
Од почетокот на израелската агресија врз Газа, според Министерството за здравство во Појасот Газа, загинале повеќе од 31.000 луѓе.
Шефот на израелската разузнавачка служба Мосад, Дејвид Барнеа, во понеделникот отиде во Катар за да ги продолжи преговорите за привремен прекин на огнот и ослободување на израелските заложници во Газа, пишува „Тајмс оф Израел“.