Свет
Татко го убил шестгодишниот син за да го спаси од демони
Mаж во Аризона е обвинет за убиство од прв степен кога властите соопштија дека го убил својот 6-годишен син попарувајќи го со врела вода за да го спаси од демони. Пабло Мартинез (31) им кажал на полициските службеници дека детето имало демон во себе и дека треба да се спаси.
Тој е уапсен во домот на едно семејство од резерватот на племето Паскуа Јахуи, кој се наоѓа југозападно од центарот на Тусон. Тој е приведен кога бил сослушан од истражителите.
Мартинез им рекол на полицајците дека забележал демон во својот син во текот на претходната недела. Тој рекол дека додека го бањал својот син, заедно со уште едно дете, тој почнал да покажува неприроден бес. Мартинез додал дека видел нешто лошо и морал да го исфрли демонот држејќи ја главата на својот син под врела вода.
Тој го држел момчето под топла вода, која се влевала во неговата уста, пет-десет минути, а другото дете плачело гледајќи го тоа, се вели во судските документи.
Ромелија Мартинез, жената што го посвоила момчето, им изјавила на полицајците дека слушнале звуци на задушување што доаѓале од бањата, но дека вратата била заклучена. Кога успеала да влезе внатре, го видела Мартинез како го држи детето под вода и повеќепати врескала за да запре.
Полицијата го пронашла шестгодишното дете како лежи на кревет голо и навалено на перницата. Се чинело дека не дише. Полицијата го завиткала детето во крпа и го ставила во возило на брзата помош, каде што е утврдено дека е мртво.
Во болницата Федералното биро за истраги открило изгореници на подлактниците, лактите и главата на детето. Медицинскиот персонал соопшти дека повеќе од 15 проценти од неговото тело е изгорено.
Племето Паскуа Јахуи брои околу 19.000 члена, од кои 4.000 до 5.000 живеат во резерват, според Националниот конгрес на американските Индијанци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.