Свет
„Тајмс“: Трамп бил информиран за руското мешање уште пред својата инаугурација
Весникот „„Њујорк тајмс“ открива дека американскиот претседател, Доналд Трамп, добил широк обем на извештај од разузнавачките служби за директната улога на рускиот претседател, Владимир Путин, во мешањето на Русија во претседателските избори во САД во 2016 година.
Во извештајот, како што пренесува „Гласот на Америка“, се расветлуваат доследните напори на Трамп да го префрли фокусот од каква било улога на Москва одиграна во неговата победа над демократката Хилари Клинтон, вклучително и изјавите во кои тој прво одбиваше, а потоа го прифати откритието на американските разузнавачки служби по состанокот со Путин во Хелсинки.
„Тајмс“ пишува дека Трамп првпат дознал за руското мешање на 6 јануари 2017 година, две недели пред својата инаугурација, за време на состанокот во Њујорк во „Трамп тауер“ со тогашниот директор на ЦИА, Џон Бренан, Џејмс Клапер, тогашениот директор на националната разузнавачка служба, тогашниот директор на ФБИ, Џејмс Комни, и адмиралот Мајк Роџерс, тогашен директор на Националната безбедносна агенција.
Високорангираните претставници тогаш му покажале на новоизбраниот претседател Трамп доверливи информации според кои Путин лично наредил хакирање и кампања на дезинформирање, вклучително и текстови и е-пошта на руски воени офицери и информации од строго доверливи извори блиски лично до Путин, тврди „Тајмс“.
Доказите вклучувале е-пошта украдена од Демократскиот национален комитет, која била клучна во одвраќање на гласачите од Клинтон. По брифингот, Трамп издаде соопштение ширејќи ја вината на Русија, Кина и многу други земји и надворешни групи. Трамп рутински ја отфрлаше истрагата за руските сајбернапади како измама, подготвена од демократите и како лов на вештерки, насочени кон поткопување на неговото претседателствување, пренесува „Тајмс“.
Во интервју за Си-би-ес, Трамп лично го обвини Путин, но само индиректно, поради руското мешање, бидејќи, како што рече, Путин е на чело на таа земја и е задолжен за неа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Снимка од приведувањето на три лица во БиХ кои на Тикток објавија дека ја држат Данка
Тројца мажи кои синоќа беа уапсени од Федералната полициска управа (ФУП), а по наредба на српската полиција, синоќа се донесени во просториите на ФУП во Сараево на понатамошна обработка.
Федералната полициска управа на Босна и Херцеговина, врз основа на информации од Министерството за внатрешни работи на Република Србија, Управа за технологија, уапси три лица кои се сомничат дека преку социјалната мрежа Тикток објавиле дека се поврзани со исчезнување на девојчето Данка Илиќ.
Уапсени се Б.Т.(2002), М.Т.(2001) и З.Т.(1972). Полицијата извршила претрес и утврдила дека информациите што ги дале се лажни.
Во текот на ноќта тројката заедно со Хаџиќ се донесени во просториите на ФУП, каде потоа ќе бидат предадени на надлежниот обвинител за понатамошна постапка, а видеото од нивното приведување го објави Министерството за внатрешни работи на Србија.
Свет
Голем руски ракетен напад врз украинските централи, штетата е голема
Русија ги нападна термоцентралите и хидроцентралите во централна и западна Украина со проектили и беспилотни летала, во уште еден од серијата напади врз веќе оштетената енергетска инфраструктура, објави електроенергетскиот оператор „Укренерго“.
„Во масовен и комбиниран напад, руските сили повторно ги гаѓаа енергетските објекти во текот на ноќта“, објави Укренерго на Телеграм. Оштетени се термоцентралите и хидроцентралите во централниот и западниот регион“, додава операторот.
Според локалните власти и министерот за енергетика Герман Гелушенко, нападнати биле енергетските објекти во областа Камиаске во близина на градот Днепро и енергетската инфраструктура во регионите Дњепропетровск, Полтава и Черкаси.
„Објектите за производство на електрична енергија беа нападнати со беспилотни летала и проектили“, рече Гелушенко.
Најголемата приватна енергетска компанија ДТЕК потврди дека биле нападнати три нејзини термоцентрали. Дистрибутерот на електрична енергија оваа недела објави дека ДТЕК изгубил околу половина од својот производствен капацитет.
Украинската армија објави дека соборила 58 од 60 лансирани руски беспилотни летала и 26 од 39 проектили.
Регион
Два силни земјотреси го погодија југот на Грција
Земјотреси со јачина од 5,7 и 4,3 степени според Рихтеровата скала утрово го погодија југот на Грција, соопшти Геодинамичкиот институт во Атина.
Земјотрес со јачина од 5,7 степени се случи во 9 часот и 12 минути на подрачјето на Јонското Море, а минута претходно е регистриран земјотрес со јачина од 4,3 степени, пренесува Катимерини.
Двата земјотреси беа почувствувани во многу региони на Грција, вклучувајќи ја и Атика. Професорот по динамичка тектоника и применета геологија Ефтимис Лекас на платформата Х напиша дека нема повредени и дека не е причинета штета, додека директорот на Геодинамичкиот институт Атанасиос Ганас рече дека причината што не е причинета материјална штета е тоа што зградите во областа се изградени според строги антисеизмички прописи.
Ганас изјави дека земјотресот со јачина од 5,7 степени според Рихтеровата скала бил на длабочина од 20 километри, во централното Јонско Море, на допир на евроазиската и африканската плоча. Жителите од погодените подрачја велат дека противпожарните патроли ги утврдуваат сите проблеми предизвикани од земјотресите.