Свет
„Тајмс“: Франција запира само 20 отсто од илегалните мигранти со чамци
Франција има запрено само еден од пет нелегални мигранти што се обидуваат да ги напуштат нејзините брегови и да се упатат кон Велика Британија.
„Тајмс“ ја процени бројката заснована на 4.100 нелегални премини оваа година и на потврдата од британскиот министер за имиграција, Крис Филп, дека Французите запреле уште 1.000 други мигранти да стигнат до Британија.
Како и да е, бидејќи се базира на познатите пристигнувања во Велика Британија – безброј други, веројатно, пристигнуваат без да бидат откриени – вистинскиот дел од запрените мигранти би можел да биде многу помал.
Бројките се алармантен потсетник за Французите што не успеаја да го контролираат својот мигрантски проблем. Податоците од минатата недела исто така откриваат дека британската влада вратила само еден од 40 мигранти во ЕУ. Ниту еден од речиси 3.000 мигранти што пристигнале од мај не е вратен назад.
Критиката за справувањето на Франција со мигрантската криза во Ла Манш ескалира бидејќи се зголеми бројот на илегални упади, при што минатиот четврток беа забележани рекордни 235 пристигнувања за еден ден. Пристигнувањата се зголемија на такво ниво што во текот на викендот Министерството за внатрешни работи беше принудено да побара помош од војската.
Франција наводно бара уште 30 милиони фунти за запирање на мигрантите и покрај тоа што Британците ѝ дадоа повеќе од 100 милиони фунти во изминатите шест години за да ги обезбеди своите граници, да го зголеми крајбрежното следење и да ги затвори нелегалните кампови во градовите како Кале.
I’m on the Kent Coast this morning.
Large number of boats again today including this beach landing at Dungeness. pic.twitter.com/9HL1BAC9AY
— Nigel Farage (@Nigel_Farage) August 12, 2020
Британското Министерство за внатрешни работи се надеваше оти ќе воведе систем на повратни информации во австралиски стил враќајќи ги чамците на море во Франција, но тоа зависи од фактот дали Франција ќе ги прифати назад.
Филп се сретна со француските колеги во вторникот, но не успеаја да се договорат за враќање на мигрантите. Се чини дека Филп не ја исклучува можноста да му дадат пари на Париз, но сепак тврди дека ќе соработува со Франција за план да ги направат премините неизводливи.
Лидерот на партијата Брегзит, Најџел Фараж, го критикува неуспехот на владата да се справи со кризата фрлајќи сомнеж на ветувањата на владата за запирање на нелегалните мигранти.
„Министерот за имиграција, Крис Филп (за кого никој досега не слушнал), имаше состаноци во Париз и рече дека сега имаме акциски план против нелегалните премини. Не надевајте се многу на тоа“, рече Фараж.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја поради што понекогаш се појавуваат разни бројки за американската помош за Киев.