Свет
„Твитер“ го блокира Стив Банон поради изјава дека Фаучи и шефот на ФБИ треба да бидат обезглавени
Стив Банон, поранешниот главен советник на Доналд Трамп, доби забрана за неограничено време на „Твитер“ откако во својот поткаст рече дека главниот американски епидемиолог Ентони Фаучи и директорот на ФБИ Кристофер Вреј треба да ги обезглават и нивните глави да ги стават на кол пред влезот на Белата куќа.
„Нивните глави би ги заденал на кол. Би ги ставил на два агли на Белата куќа како предупредување до сојузните бирократи – или ја прифаќате програмата или повеќе ве нема”, рече Банон.
Steve Bannon is a dangerous fascist monster who belongs in jail forever.
He’s literally calling for the beheading of Dr. Fauci & FBI Director Christopher Wray.
Please go to his YouTube channel and report his videos.
— The USA Singers (@TheUSASingers) November 5, 2020
Неговата портпаролка рече дека Банон не сугерирал Фаучи и Вреј навистина да се обезглават, но рече дека тоа метафорички се однесува на крвавата политика на Англија од времето на Тудор.
Таа додаде дека тој никогаш не повикувал на насилство од каков било вид.
На „Фејсбук“ му беа потребни десетина часа да ја отстрани содржината, „Јутјуб“ малку помалку, додека „Твитер“ реагираше релативно брзо со забрана за Банон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.