Свет
Тим од педијатри упатен во болницата во Индија каде починаа 100 деца
Индиското Министерство за здравство денеска испрати тим педијатри и други медицински професионалци во градот Кота, Западна Индија, каде што повеќе од 100 деца починале во државна болница во последниот месец.
Индискиот министер за здравство, Харш Вардан, изјави дека експертите ќе ги анализираат клиничките протоколи, услугата, достапноста на работна сила и опремата за нега на мајките, како и педијатриската нега во болницата „Кота медикал“ во Раџастан, соопшти АП.
Владата на Раџастан соопшти дека нема никаква небрежност од страна на лекарите бидејќи повеќето починати деца кои биле упатени во болница во градот Кота се од оддалечени села, вклучително и новороденчињата кои биле со мала тежина, се родиле предвреме или добиле инфекции при раѓање.
Државниот министер Ашок Гехлот на својот профил на „Твитер“ објави дека Министерството за здравство обезбедило најдобра опрема во болницата, која се наоѓа на 400 километри југозападно од Њу Делхи.
Индиската новинска агенција „Прес траст“ од Индија, меѓутоа, цитираше некои неименувани официјални претставници на Министерството за здравство дека повеќе од 70 проценти од клучните уреди, како пумпи за инфузија и грејачи и небулизатори не биле во работна состојба во болницата.
Агенцијата исто така соопшти дека има недостиг на лекари и персонал за поддршка на одделот за педијатрија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.