Свет
Тинејџерка доби рекордна отштета за силување од наставник во католичко училиште
Надбискупијата во Лос Анџелес ѝ испратила осум милиони долари отштета на тинејџерка која била силувана и избркана од страна на наставник во тамошното католичко средно училиште во 2016 година, изјавил нејзиниот адвокат Дејв Ринг, пренесува „Њујорк тајмс“. Овој случај привлече големо внимание на проблемот со сексуална злоупотреба во католичките институции, кои ги извршиле вработени кои не се членови на свештенството.
Адвокатот Ринг верува дека се работи за најголема отштета кога било исплатена на едно лице од страна на надбискупијата, која веќе исплатила стотици милиони долари за силувања изминатите години. Како што пишува „Њујорк тајмс“, се работи за рекордна исплата на надбискупијата на едно лице.
Портпаролката на надбискупијата во Лос Анџелес одбила да ја потврди сумата што е исплатена.
„Надбискупијата е свесна дека со насилство и злоупотреба се врши сериозна штета на животот на жртвата. Се надеваме дека во оваа ситуација, отштетата ќе ѝ помогне на девојката да ги залечи ранети и да продолжи во иднината кон својата зададена цел. Надбискупијата се извинува поради сè што се случило“, стои во изјавата на портпаролката.
Не е познат идентитетот на тинејџеката, но е познато дека имала 15 години кога почнала сексуалната злоупотреба од страна на наставникот и тренер Иван Барајас во 2016 година. Барајас бил спортски директор и наставник, тренер по одбојка во средното училиште, кое го управува надбискупијата.
Како што пренесува „Њујорк тајмс“, наставникот ѝ испраќал непристојни пораки и фотографии на ученичката, кои ги снимал додека ја силувал. На крајот, кога неговата сопруга ги открила фотографиите на неговиот мобилен телефон, тој ја избркал девојката од училиштето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Си-Ен-Ен: Остин разговараше со Галант пред нападот на Иран, Вашингтон не ја поддржува оваа акција
Американскиот секретар за одбрана Лојд Остин разговараше во четвртокот со израелскиот министер за одбрана Јоав Галант за „регионалните закани и дестабилизирачките дејства на Иран на Блискиот Исток“, соопшти Пентагон.
Повикот бил упатен пред Израел, како што пренесуваат медиумите, да изврши напад внатре на територијата на Иран, а во соопштението на Пентагон не се споменува никаква дискусија за плановите на Израел за овој напад, пренесува Си-Ен-Ен.
Неименуван висок американски функционер изјави за Си-Ен-Ен дека Израел во четвртокот ја информирал Америка дека во наредните денови ќе возврати на нападот на Иран минатиот викенд и дека Вашингтон не ја поддржува оваа акција на Тел Авив.
Тензиите меѓу Тел Авив и Техеран се зголемија по нападот на Иран врз Израел на 13 април, со повеќе од 300 беспилотни летала и проектили. Неименуван американски функционер претходно за Си-Ен-Ен изјави дека Израел утринава извршил напад на иранска територија, а иранската државна телевизија објави дека три беспилотни летала биле забележани над небото во Исфахан и биле уништени откако системот за противвоздушна одбрана на земјата бил активиран.
Новинската агенција „Фарс“ објави дека се слушнале „експлозии“ во близина на меѓународниот аеродром во Исфахан. Провинцијата Исфахан е дом на голема воздухопловна база, голем комплекс за производство на ракети и неколку нуклеарни локации, наведува Би-Би-Си.
Израелската војска соопшти дека „засега нема коментар“ за извештаите за експлозии во Иран. Иранскиот министер за надворешни работи Хосеин Амирабдолахиан изјави неколку часа пред да се слушнат експлозиите дека доколку Израел преземе каква било воена акција, одговорот на Техеран ќе биде „веднаш и на максимално ниво“, пренесува Танјуг.
Свет
Трамп: Опстанокот на Украина е важен за САД
Доналд Трамп рече дека опстанокот на Украина е важен за Соединетите Американски Држави.
Поранешниот претседател поголемиот дел од својата објава на својата платформа „Truth Social“ го посвети на поплаките дека европските сојузници на САД не трошат доволно за поддршка на Украина. Некои десничарски републиканци ја протолкуваа најавата како сигнал дека тој се противи на сегашниот пакет помош, иако Трамп експлицитно не го кажа тоа.
Сепак, објавата се чини дека е едно од првите признанија на Трамп дека опстанокот на Украина е важен безбедносен интерес на САД, оценуваат тие. Минатата година, кога беше прашан за конфликтот во интервју за Си-Ен-Ен, Трамп одби да каже дали сака Украина да ја добие војната со Русија.
„Зошто Европа не може да даде иста сума пари колку што инвестираа САД за да и помогнат на земјата во очајна потреба“, напиша тој.
„Како што сите се согласуваат, опстанокот и силата на Украина треба да ѝ бидат многу поважни на Европа отколку на нас, но тоа е исто така важно за нас“, напиша тој.
Објавата на Трамп дојде еден ден откако ја пофали Полска, по средбата во кулата Трамп во Њујорк со полскиот претседател Анджеј Дуда. Поранешниот претседател и полскиот лидер разговараа за предлогот на Дуда членките на НАТО да трошат најмалку 3 отсто од својот бруто домашен производ за одбрана, изјави претставник на кампањата.
Во моментов од нив се бара да потрошат најмалку два отсто од БДП.
Републиканскиот претседател на Претставничкиот дом на САД, Мајк Џонсон, рече дека тие ќе гласаат за пакетот помош за Украина во сабота, и покрај жестоките приговори од десното крило на неговата пратеничка група.
Свет
(Видео) Светски медиуми: Израелски проектил го погоди Иран
Израел го нападна Иран, јавуваат светските медиуми.
Ројтерс цитираше изјава од три лица запознаени со ова прашање, додека иранските државни медиуми објавија рано денеска дека нивните сили ги уништиле беспилотните летала.
Ова се случува неколку дена откако Иран изврши одмазднички напад со дрон врз Израел. Извор изјави за Ројтерс дека САД не биле вклучени, но дека Израел ги информирал пред нападот.
Иранската новинска агенција „Фарс“ објави дека три експлозии се слушнале во близина на воена база во централниот град Исфахан.
Ирански функционер изјави за Ројтерс дека немало ракетен напад и дека експлозиите се резултат на активирање на иранските системи за противвоздушна одбрана.
Иранската државна телевизија објави дека нешто по полноќ „на небото над Исфахан биле забележани три дронови“.
„Системот за противвоздушна одбрана беше активиран и ги уништи овие дронови на небото“, пренесе медиумот.
Телевизијата подоцна соопшти дека ситуацијата во Исфахан е нормална и дека немало копнени експлозии.
Израелската армија не ги коментираше извештаите.
Си-Ен-Ен пишува дека Израел го извршил нападот внатре во Иран, а тоа го изјавил американски претставник за оваа мрежа.
Си-Ен-Ен тврди дека станува збор за потег кој се заканува со дополнително ескалирање на регионалниот конфликт.