Свет
Трамп бара специјален совет за истрага на изборите во ноември
Претседателот на САД, Доналд Трамп, посочи дека е потребно да се назначи специјален совет за истрага на наводно наместените избори што се одржаа во земјата на 3 ноември, на кои победи противникот на Трамп, демократот Џозеф Бајден, пренесува ТАСС.
„Откако ја видов огромната измама со гласачите на претседателските избори во 2020 година, не се согласувам со некој што смета дека не е потребен силен, брз и фер специјален совет веднаш. Ова беа најкорумпираните избори во историјата на нашата земја и тој мора да внимателно да ги истражи!“, напиша Трамп на „Твитер“.
Претходно, „Волстрит џурнал“ објави дека Трамп се залага за назначување специјални совети за да ги испитаат неговите тврдења за изборни измами поврзани со гласањето во ноември, како и да почнат истрага за синот на избраниот претседател Џо Бајден, Хантер.
„Државниот јавен обвинител, Вилијам Бар, во понеделникот рече дека не гледа причина да се назначи специјален совет за истражување на обвинувањата против Хантер Бајден или за изборните измами велејќи дека верува оти истрагата за синот на новоизбраниот претседател Џо Бајден се водела одговорно и професионално“, напиша ВСЖ.
На 14 декември Електроскиот колеџ на САД ја потврди изборната победа на Џо Бајден. Демократот доби 306 гласа, а актуелниот претседател Доналд Трамп обезбеди 232 гласа. Со 538 електори, кандидатот треба да добие 270 електроски гласа за да биде избран на претседателската функција во САД.
Трамп не го призна поразот и водеше немилосрдна борба за оспорување на резултатите поднесувајќи мноштво тужби за нерегуларности и за измама на гласачите во голем број клучни држави. Правните битки на Трамп не успеаја да добијат никаква основа и беа отфрлени од државните судови, како и од Врховниот суд на САД.
Инаугурацијата на Бајден ќе се одржи на 20 јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.