Свет
Трамп: Воопшто не ми е гајле дали Иран ќе преговара со САД
Американскиот претседател Доналд Трамп рече дека неговата кампања за максимален притисок против Иран не е за тоа да се донесе Техеран на преговарачката маса, туку да се осигура дека Техеран нема добие нуклеарно оружје или да убива демонстранти, пренесува РТ.
„Всушност, воопшто не ми е гајле дали ќе преговараат. Тоа целосно зависи од нив, но нема нуклеарно оружје и не убивајте ги вашите демонстранти“, напиша Трамп во твит во неделата вечерта, спротивставувајќи се на наративот на советникот за национална безбедност, Роберт О’Брајан.
О’Брајан претходно изјави за „Фокс њуз“ дека верува оти кампањата за максимален притисок, која ја уништува иранската економија заедно со антивладини протести на улиците, функционира и дека Техеран сега е принуден во ќош.
Трамп последните неколку дена ги помина твитајќи поддршка за демонстрантите и предупредувања до Техеран, и на англиски јазик и на фарси. Во неделата тој побара Техеран да престане со убиството на големиот ирански народ.
Нема потврдени извештаи за смртни случаи за време на последните протести, иако полицијата во неколку наврати употребила солзавец и водени топови против толпата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.