Свет
Трамп: Врховниот суд на САД се исплаши поради тужбите за изборите
„Членовите на Врховниот суд се исплашија и не донесоа одлука по тужбата во државата Тексас за преглед на резултатите од изборите одржани на 3 ноември“, напиша американскиот претседател, Доналд Трамп, на Твитер, пренесува ТАСС.
„Фактот дека Врховниот суд нема да заземе став во оригинална надлежност над повеќе држави, вклучувајќи го и претседателот на САД, е апсурден. Наведено е во Уставот. Тие едноставно се исплашија и не сакаа да се произнесат за основаноста на случајот. Толку лошо за нашата земја“, напиша тој.
Во меѓувреме, членовите на американскиот Изборен колеџ ќе го дадат својот глас за претседател денеска. Властите на сите држави и на главниот град веќе ги одобрија резултатите од изборите на 3 ноември, според кои демократот Џозеф Бајден ја доби поддршката на 306 од 538 електори и треба да стане 46. претседател на земјата.
The fact that the Supreme Court wouldn’t find standing in an original jurisdiction matter between multiple states, and including the President of the States, is absurd. It is enumerated in the Constitution…
— Donald J. Trump (@realDonaldTrump) December 13, 2020
Трамп, сепак, не го призна поразот и поднесе барање до судовите со барање за пребројување на гласовите во голем број држави. Обидите на адвокатите на Трамп не беа успешни, нивните жалби беа одбиени во државите, како и од Врховниот суд. Според последните податоци, повеќе од 81,2 милиони луѓе гласаа за Бајден, а 74,2 милиони за Трамп.
Формално, на 3 ноември, луѓето не гласаа за новиот претседател и потпретседател на САД, туку за членовите на Изборниот колеџ. Крајниот рок за гласање на Изборниот колеџ е утврден со Федералниот закон – првиот понеделник по втората среда во декември. Времето на гласање варира во секоја држава – од 9:00 до 15:00 часот по локално време.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.