Свет
Трамп ги шокира Американците: Ќе го прекинеме финансирањето на СЗО
Американскиот претседател Доналд Трамп синоќа одржа ретко видена прес-конференција во Белата куќа, на која се пресмета со противниците на најлошиот ден во САД од појавата на коронавирусот од што досега починаа најмалку 1.344 луѓе.
„Хаосот и збунетоста што ги предизвика Трамп на најтрагичниот ден беа неверојатни дури и за неговите стандарди. Наместо да ја смири нацијата во време на најголема криза од Втората светска војна, Трамп се пресметуваше со противниците и ја повика дури и СЗО. Ова беше тешко за гледање“ пишува Си-ен-ен.
Трамп рекол дека не видел допис од еден од неговите главни советници Питер Навар, кој го предупреди дека во САД би можело да има и до 100 милиони заразени, како и 1-2 милиони починати луѓе од коронавирусот.
Тој ја нападнал СЗО, предупредувајќи дека Америка, која е најголем спонзор на организацијата, би можела да го намали или целосно да го укине финансирањето на СЗО.
„Погрешија. Предоцна прогласија пандемија, а требаа тоа да го сторат многу порано. Супер е кога такви организации добро функционираат, но тие во овој случај се направија погрешно и застанаа на страната на Кина. Ќе го прекинеме финансирањето на СЗО“ порачал Трамп, а по само една минута рекол дека само ќе размисли за таков чекор.
Трамп го смени главниот инспектор на Министерството за одбрана, Глен Фини, кој требаше да надгледува како ќе се трошат речиси 2.000 милијарди долари економска помош, која Конгресот ја изгласа.
Трамп го смени и портпаролот на Белата куќа, Стефани Гришам, што е четврта смена во амдинистрацијата на Трамп, откако во петокот го смениглавниот инспектор на разузнавачката заедница Мајкл Аткинсон, кој пријави во Конгресот информации кои доведоа до гласање на (не)доверба на Трамп минатата година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ЕУ и Кина повикаа на воздржаност на Блискиот исток
Кина објави дека се противи на каква било ескалација на тензиите на Блискиот Исток.
„Кина се противи на какви било активности кои би можеле дополнително да ги ескалираат тензиите“, изјави денеска Лин Џијан, портпарол на кинеското Министерство за надворешни работи.
Реагираше и претседатката на Европската комисија, Фон дер Лајен.
Таа ги повика Иран, Израел и нивните сојузници да се воздржат од ескалација на ситуацијата на Блискиот Исток.
„Апсолутно е неопходно регионот да остане стабилен и сите страни да се воздржат од понатамошни активности“, рече Урсула фон дер Лајен.
Претходно утрово, светските медиуми објавија дека Израел го нападнал Иран и дека се слушнале три експлозии во близина на воена база во централниот град Исфахан.
Сепак, засега нема официјални информации од двете држави за тоа што се случувало.
Свет
Разузнавачки извор за Си-ен-ен: Директните напади меѓу Израел и Иран завршија
Регионален разузнавачки извор рече дека директните напади меѓу Израел и Иран се завршени.
Изворот разговарал за Си-ен-ен под услов да остане анонимен околу два и пол часа по објавувањето на нападите. Изворот вели дека, според неговите сознанија, не се очекува Иран да одговори на нападот, но не наведе причина.
Претходно и висок ирански функционер изјави за „Ројтерс“ дека „Иран нема план за итна одмазда против Израел“.
Израел сѐ уште не потврдил дека го извршил нападот врз Иран, а тврдењата за нападот дојдоа од Вашингтон.
Од друга страна, од Иран доаѓаат контрадикторни информации, но нема официјален извештај.
Пред само еден час ирански аналитичар изјави за иранската државна телевизија дека „мини дроновите соборени од противвоздушната одбрана во Исфахан биле управувани од инфилтратори од Иран“.
Претходно, пак, ирански функционер изјави за „Ројтерс“ дека немало ракетен напад и дека експлозиите биле резултат на активирање на иранските системи за противвоздушна одбрана.
Свет
Украина тврди дека соборила руски бомбардер
Украинските воздухопловни сили денеска соопштија дека собориле руски стратешки бомбардер првпат од почетокот на руската инвазија, а Москва објави дека авионот се урнал поради технички дефект и дека еден член на екипажот загинал.
„Првпат противвоздушните ракетни единици на Военото воздухопловство во соработка со одбранбеното разузнавање на Украина го уништија стратешкиот бомбардер со долг дострел ‘ту-22М3’, кој носи крстосувачки ракети ‘Х-22’“, изјави командантот на украинските воздухопловни сили на „Телеграм“.
Украинската воена разузнавачка служба (ГУР) соопшти дека рускиот авион „бил соборен благодарение на специјалната операција спроведена од украинското одбранбено разузнавање во соработка со воздухопловните сили“.
Руското Министерство за одбрана не потврди дека украинската страна нападнала еден нејзин авион, но воен извор изјавил за новинската агенција ТАСС дека бомбардерот „туполев-22М3“ се урнал во регионот Ставропол по борбена мисија додека се враќал во базата. Според овој извор, авионот не носел оружје.