Контакт

Свет

Трамп: Дождот на инаугурацијата нема да ми пречи, ќе докажам дека косата е моја (сатница на инаугурацијата)

Објавено пред

Смислата за хумор ја демонстрираше во четвртокот вечерта новиот американски претседател Доналд Трамп на гала вечерата одржана во Вашингтон со донаторите, велејќи дека дождливото време во текот на инаугурацијата во петокот нема да му пречи, бидејќи така повторно ќе докаже дека не носи перика, туку дека косата е негова.

dobivaj vesti na viber

„Досега сé мина во најдобар ред, но големиот момент настапува утре околу 12 часот. И нема да ми пречи доколку врне, бидејќи луѓето уште еднаш ќе се уверат дека мојата коса е вистинска“, се шегувал Трамп на гала вечерата на која присуствувале голем број донатори.

Пред три месеца Трамп во гостувањето во емисијата „The Tonight Showu“ Џими Фалон, една од најгледаните емисија на американските телевизии. Својот вообиачено остар настап тогаш го замени со допадливо издание.

Го издржа „решетањето“ од страна на Фалон., ги поднесе дури и имитациите на своја сметка, согласувајќи се на крајот популарниот телевизиски водител да му ја разбушави косата. Од почеток малку негодуваше, но поттикнат од овациите, на крајот се согласи. Фалон добро ја разбушави косата на Трамп, а во тоа време републиканскиот претседателски кандидат тоа го издржа со насмевка. – Од главата ништо не му испадна.

Инаугурацијата на Доналд Трамп за 45-ти американски претседател е кулминација на повеќедневното славеничко расположение во Вашингтон.

Во четвртокот во 16.35 часот по средноевропско време започнаа концертите пред Линколновиот меморијален центар. Во четвртокот Доналд Трамп и неговиот потпретседател Мајк Пенс учествуваа на свеченоста на полагање на венец на Националните гробишта Арлингтон во чест на сите загинати американски воени ветерани. Потоа вечерта од 22 часот до полноќ по средноевропско време, Трамп се појави на вториот дел од концертот пред Линколн центарот под наслов „Да ја направиме Америка повторно голема! Добредојдовте“, кој заврши со величествен огномет.

Избраниот претседател ноќеваше во претседателската гостинска резиденција „Блер Хаус“, наспроти Белата куќа.

Во петокот наутро по локално време, Трамп и Пенс прво ќе заминат на литургија во епископалната црква недалеку од Белата куќа, а потоа претседателот на заминување Барак Обама и неговата сопруга Мишел ќе бидат домаќини на Доналд и Меланија Трамп на чајанка во Белата куќа. Потоа заедно ќе се упатат кон Капитол Хил.

Во 9.30 часот по локално вре ме, 15.30 часот по средноевропско, започнува инаугурациската свеченост. Ќе присуствуваат членовите на Конгресот, судиите од Врховниот суд, дипломати и јавноста.

Како што беше претходно соопштено поранешниот американски претседател Бил Клинтон ќе присуствува во Вашингтон на инаугурацијата на избраниот претседател Доналд Трамп, заедно со својата сопруга Хилари Клинтон, којашто како кандидатка на Демократската партија беше поразена на изборите на 8-ми ноември. Покрај двојката Клинтон, на церемонијата во Вашингтон ќе присуствува и 43-от американски претседател Џорџ В. Буш помладиот со сопругата Лора. Претходно своето присуство на церемонијата го потврди и 39-от претседател Џими Картер. Единствениот од уште живите американски претседатели, кој нема да присуствува на инаугурацијата на Трамп, ќе биде 41-от претседателот Џорџ В. Буш постариот, кој церемонијата ќе ја пропушти поради здравствени причини, откако заедно со сопругата Барбара беа хоспитализирани.

Во 11,30 часот (по локално време) започнуваат говорите на верските челници, а потоа свечената заклетва ќе ја положи потпретседателот Мајк Пенс.

Точно напладне, или 18 часот по средноевропско време, заклетвата ќе ја положи Доналд Трамп. Ќе го стори тоа со две Библии. Првата Библија му ја подарила неговата мајка во 1955 година, кога завршил основно училиште во Њујорк. Трамп раката ќе ја положи и на Библијата над која заклетвата ја положил 16-от претседател Абрахам Линколн во 1861 година. Оваа церемонија ќе се одвива пред претседателот на Врховниот суд, Џон Робертс.

Потоа Трамп ќе го одржи инаугурацискиот говор, а свеченоста ќе заврши во 12,30 часот по локално време.

Според традицијата, Трамп и Пенс потоа ќе замината на ручек во Конгресот, а во 15 часот по локално време започнува парадата на Авенијата Пенсилванија од Капитол Хил до Белата куќа, во должина од околу 1,7 километри. Трамп и Пенс ќе ги следат околу 8.000 учесници на парадата, разни оркестри, мажоретки, претставници на сите родови на американската армија.

Од 19 до 23 часот, Трамп и Пенс придружувани од нивните сопруги ќе учествуваат на трите официјални балови по повод инаугурацијата.

Во саботата новиот претседател на САД и неговиот потпретседател од 10 до 11 часот, или од 16 до 17 часот по средноевропско време, ќе присуствуваат на меѓуконфесионалната молитва во националната катедрала во Вашингтон, со што службено ќе завршат инаугурациските свечености.

Церемонијата ќе се одржи во комплексот на Конгресот на Капитол Хил. Доналд Трамп ќе ја положи заклетвата на специјална платформа. Потоа 45-от претседател на САД ќе одржи говор во кој ќе ги изложи основните насоки на своите политики.

Според традицијата, инаугуративната платформа се прави „од нула“ за секоја ваква церемонија. Годинава таа ќе зафаќа површина од 929 квадратни метри, точно колку што беа и димензиите и на инаугурацијата на неговиот републикански претходни Џорџ В. Буш помладиот на 20-ти јануари 2005 година.

На неа ќе бидат сместени учесниците во церемонијата и повеќе од 1.600 гости, меѓу кои и претседателот на заминување Барак Обама со семејството, неговиот наследник на должноста Доналд Трамп со семејството, потпретседателот Џозеф Бајден и неговиот наследник МајклПенс, досегашни и новите членови на претседателската администрација (владата), членовите на двата дома на Конгресот, на Врховниот суд, поранешни претседатели на САД, членовите на Здружената команда, гувернерите на сојузните држави и претставници на дипломатскиот кор.

Посебна платформа, пак, ќе биде подигната за граѓаните. Сето тоа, според процените, ќе чини меѓу 175 и 200 милиони долари./крај/мф/сн

Европа

Заменик-началникот на генералштабот: Британија може да се бори со Русија само 2 месеца

Објавено пред

Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.

dobivaj vesti na viber

Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.

За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.

„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.

На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.

„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.

Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.

Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.

Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.

„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.

Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.

„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.

Сепак, тој предупреди дека „основното војување и муницијата“ остануваат важни во секој иден конфликт.

Прикажи повеќе...

Регион

Полицајци и пожарникари пристигнуваат пред куќата каде што исчезна Данка

Објавено пред

Во Бањско Поле во Србија пристигнуваат уште полициски сили и пожарникари во околината на викендичката на семејството Илиќ во близина на која последен пат била видена малата Данка Илиќ по која веќе трет ден се трага.

dobivaj vesti na viber

Покрај пожарникари и полиција, на самото место има и багер, иако сè уште нема официјални информации зошто. Репортерот на српски „Телеграф“ јавува дека полицијата отвора шахти околу куќата на семејството Илиќ.

Како што објави „Телеграф“, полицијата и работниците од ЈКП од утрово го расчистуваат теренот.

Данка Илиќ исчезна во вторникот во 13.45 часот кога мајка ѝ му давала вода на другото дете.

По девојчето 27 часа трагаа припадници на жандармеријата, полицијата, пожарникари, спасувачи, како и многубројни мештани. По 27 часа, српската полиција го прекина пребарувањето на теренот во Бањско Поле.

Прикажи повеќе...

Свет

11 канали на „Телеграм“ блокирани во Русија поради терористичка содржина

Објавено пред

Руската агенција за следење на комуникациите „Роскомнадзор“ го ограничи пристапот до 11 канали на платформата „Телеграм“ поради терористичка содржина во последните два дена, објави  агенцијата РИА.

dobivaj vesti na viber

„Од терористичкиот напад во концертната сала ‘Крокус сити хол’ спроведуваме насочен мониторинг. Ги бележиме фактите за намерното ширење разни невистини по терористичкиот напад – фалсификати и повици за екстремистички активности“, соопшти „Роскомнадзор“.

РИА наведува дека на барање на „Роскомнадзор“ биле отстранети околу 600 документи со терористичка содржина или има забранет пристап до нив.

Прикажи повеќе...

Најново

Економија1 час

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ2 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија2 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија2 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија5 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет6 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет6 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија6 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион6 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет6 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет7 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија21 час

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија22 часа

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија24 часа

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија1 ден

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...

Свет1 ден

Бајден: Да ja ​​заштитиме Украина од месарот Путин

Американскиот претседател Џозеф Бајден уште еднаш го навреди рускиот претседател Владимир Путин говорејќи пред гласачите во американската сојузна држава Северна...

Регион1 ден

Вучиќ: Следуваат тешки денови за Србија, не ми е лесно да кажам какви вести добивме

Српскиот претседател Александар Вучиќ синоќа изјави дека пред Србија претстојат тешки денови, пренесува „Нова.рс“. Вучиќ најави дека во наредните денови...

Македонија1 ден

СДСМ: Скопје е запустен град, граѓаните се изневерени, ДПМНЕ нема план за иднината

Платформа од минатиот век се новите лажни ветувања на ДПМНЕ по примерот на Скопје. Откако ги изневерија граѓаните на Скопје,...