Свет
Трамп им рекол на помошниците дека не сака војна со Иран
Американскиот претседател Доналд Трамп, наводно, го информирал секретарот за одбрана, Патрик Шанахан, дека не сака САД да почнат војна со Иран во период на зголемени тензии во регионот на Блискиот Исток, пренесува „Спутник“.
Трамп во средата го покрена прашањето за војна со Исламската Република за време на брифингот за статусот на американските сили на Блискиот Исток, објави во четвртокот „Њујорк тајмс“. Тој, наводно, директно го информирал Шанхан дека не сака конфликт меѓу двете земји.
Веста доаѓа откако Трамп се обиде јавно да ги отфрли извештаите за внатрешни борби меѓу неговиот персонал, вклучително и советникот за национална безбедност, Џон Болтон. „Различни мислења беа изразени, но јас ја носам конечната одлука – тоа е многу едноставен процес”, напиша Трамп на Твитер.
Американскиот претседател изјави дека се надева оти САД нема да војуваат со Иран.
„Вашингтон пост“ во средата објави дека Трамп е фрустиран од своите советници во врска со Иран, велејќи дека тврдокорната политика што ја туркаат Болтон и државниот секретар Мајк Помпео може да доведе до вклучување на САД во војна со Техеран, со што би се прекршило ветувањето од кампањата на Трамп дека ќе избегнува скапи странски војни.
„Тие се залетуваат, а Трамп е вознемирен. Имаше борба за Болтон и Помпео и другите да се најдат на иста бранова должина”, вели висок претставник на администрацијата на Трамп.
Официјалниот претставник додаде дека Трамп сака да разговара со лидерите на Иран и да најде дипломатско решение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украински дрон удрил во станбена зграда во Белгород, има мртви
Едно лице загина кога украинско беспилотно летало удри во станбена зграда во рускиот град Белгород и одекна силна експлозија, изјави регионалниот гувернер Вјачеслав Гладков.
„Повредена е сопругата на починатиот, има расекотини на лицето и површна изгореница на бутот. Екипата за брза помош ја однела жената во регионалната клиничка болница. Како резултат на експлозијата, за жал, еден човек загина“, објави Гладков, а пренесува Риа Новости.
Друг жител со рана од шрапнел сам отишол во градската болница, додаде тој.
Оштетени се прозорците во пет стана, како и автомобил. Оперативните услуги се на лице место.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.