Свет
Трамп: Информациите за руско-талибански заговор за убивање американски војници не се веродостојни
Американскиот претседател, Доналд Трамп, изјави во неделата вечерта дека причината поради која не бил брифиран за наводниот руски заговор со Талибанците за убиство на американските сили во Авганистан е затоа што разузнавачите не сметале оти извештајот е веродостоен, пренесува „Гардијан“.
„Разузнавачите само ми кажа дека не ги сметаат за веродостојни овие информации и затоа не ги пријавиле кај мене или на @VP. Ова е веројатно уште една фабрикувана измама околу Русија, можеби од страна на креаторите на лажни вести @nytimesbooks, сакајќи да претстават републиканците во лошо светло!“, објаснил Трамп во твитот.
Претходно во неделата, Трамп ги поддржа тврдењата од Белата куќа дека тој и Пенс не биле запознати со наводниот заговор.
„Њујорк тајмс“ во петокот објави за заговорот и тврдеше дека претседателот Трамп бил запознаен со ситуацијата и разговарал за тоа на крајот на март со Националниот совет за безбедност на Белата куќа.
Во извештајот се вели дека се одмерувале неколку опции, вклучувајќи санкции и протест преку дипломатски канал, но Белата куќа допрва треба да авторизираа некаков одговор.
Секретарот за печат на Белата куќа, Кајли Мекенани, и директорот за Национално разузнавање, Џон Ратклиф, објавија изјави во саботата во кои се вели дека Трамп и Пенс не биле брифирани на оваа тема. Во изјавата на Мекенани се коментира за „неточноста на приказната на ‘Њујорк тајмс‘ која погрешно сугерира дека претседателот Трамп бил брифиран за ова прашање“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Си-ен-ен: Сателитските снимки покажуваат дека во Исфахан нема поголеми штети
Според сателитските снимки од вселената до кои ексклузивно дојде Си-ен-ен, се чини дека нема поголема штета во воздушната база која наводно била цел на израелскиот напад во Исфахан.
Сателитски снимки се направени околу 10:18 часот по локално време. Се чини дека нема големи кратери во земјата и нема видливи уништени згради. Меѓутоа, за да се знае со сигурност дали има некаква штета, ќе бидат потребни дополнителни визуелни сателитски снимки, пишува Си-ен-ен.
Сликите не се како обичните сателитски снимки бидејќи се создадени од сателит кој испраќа радарски зраци кои можат да поминат низ облаците, како оние што моментално ги спречуваат сателитите да ја сликаат областа. Овие радарски зраци се одбиваат од објектите на земјата и се враќаат назад кон сателитот.
Иранската новинска агенција ФАРС објави дека една од можните цели бил воен радар во воена база во провинцијата Исфахан, а единствената штета од нападот се скршени прозорци во неколку деловни згради.
Сликите исто така покажуваат дека иранските F-14 Tomcats кои во минатото беа стационирани во воздухопловната база во моментов ги нема. Дополнителни архивски сателитски снимки прегледани од Си-ен-ен покажуваат дека тие F-14 Tomcats не биле таму некое време.
Свет
Ерменија се согласи да му врати на Азербејџан четири села во пограничната област
Портпаролот на азербејџанското Министерство за надворешни работи Ајкан Хаџизада соопшти дека Ерменија се согласила да му врати на Азербејџан четири села кои се наоѓаат на нивната заедничка граница.
„Како резултат на осмиот состанок на државните комисии за демаркација на државната граница меѓу Азербејџан и Ерменија, Ерменија се согласи да врати четири села во Азербејџан кои беа под окупација од почетокот на 1990-тите“, рече Хаџизада на социјалната мрежа Х.
Азербејџанските власти претходно изјавија дека враќањето на селото е неопходен услов за мировен договор што ќе стави крај на тридеценискиот конфликт меѓу двете земји, кои беа дел од Советскиот Сојуз.
Свет
Русија и Јордан предупредуваат на опасност од регионална ескалација
Русија вели дека имала контакт и со Израел и со нејзиниот сојузник Иран. Министерот за надворешни работи Сергеј Лавров изјави дека Русија јасно му ставила до знаење на Израел дека „Иран не сака ескалација“ како дел од овие разговори.
Јордан, кој ја дели границата со Израел и одигра улога во одбивањето на иранските ракетни и дронови напади минатиот викенд, исто така предупреди на „опасноста од регионална ескалација“ и повика на прекин на израелско-иранската одмазда.
„Ги осудуваме сите дејствија кои се закануваат да го вовлечат регионот во војна“, рече јорданскиот министер за надворешни работи Ајман Сафади. Низ Персискиот Залив од Иран, Обединетите Арапски Емирати велат дека мора да се најдат значајни решенија за тековните спорови и кризи на Блискиот Исток.
Нејзиното министерство за надворешни работи, исто така, повикува конфликтите да се решаваат преку дијалог и дипломатски канали.