Свет
Трамп и натаму тврди дека е победник, од него се оградуваат и републиканците
Две недели откако eо Бајден се прогласи за победник на претседателските избори во САД, Доналд Трамп се соочува со се повеќе порази во обид да го поништи изборниот резултат и по две недели молк, првите републиканци почнуваат да се дистанцираат од Трамп.
Демократот Бајден се подготвува да ја преземе Белата куќа од Трамп на 20 јануари, додека сегашниот претседател сè уште одбива да го признае поразот и се обидува да ги поништи изборните резултати, тврдејќи, без докази, дека се работи за огромна изборна измама, пренесува Ројтерс.
Преку низа законски маневри, тој се обидува да го запре пребројувањето на гласовите и прогласувањето на Бајден за победник во одредени сојузни држави.
Кампањата на Трамп претрпе серија порази и се чини не успеа да ги убеди републиканските колеги во клучните држави, како што е Мичиген, каде ги загуби изборите, за неговите теории на заговор.
Двајца републикански политички лидери од Мичиген, Мајк Ширки и Ли Чатфилд, кои вчера беа поканети во Белата куќа, му нанесоа уште еден удар на Трамп откако рекоа дека на состанокот не слушнале никакви докази во прилог на обвинувањата дека во таа држава се случилжа масовна изборна кражба.
„ Сè уште не ни се дадени никакви информации што би го промениле исходот на изборите во Мичиген“.
Трамп вчера повтори дека победил на изборите.
По серијата порази во судските постапки кои се обидоа да ги променат изборните резултати, тимот на Трамп сега се потпира на надежта дека ќе ги убеди републиканците во клучните држави да ги поништат изборните резултати и да го прогласат за победник, пренесува Ројтерс.
Овие напори сега се насочени најмногу кон Мичиген и Пенсилванија, но пресметката покажува дека дури и тоа не би му донело доволно гласови на избирачите кои формално, врз основа на резултатите од претседателските избори, избираат претседател на изборниот колеџ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.