Свет
Трамп наложи уништување на иранските патролни чамци ако ги вознемируваат американските бродови
Американскиот претседател, Доналд Трамп, преку својот Твитер објави дека ѝ дал зелено светло на американската морнарица да ги нападне и да ги уништи малите ирански воени бродови ако почнат да ги вознемируваат американските воени бродови, пренесува „Спутник“.
Американската морнарица во повеќе наврати се пожали дека иранските патролни чамци опасно се приближуваат до нејзините разорувачи и носачите на авиони кои патролираат во регионот на Персискиот Залив.
На 15 април американската армија објави дека група од 11 бродови на ИРЦГ ги вознемирила американските воени бродови во северниот дел од Персискиот Залив.
„Бродовите на морнарицата на ИРГЦ постојано ги провоцираат американските бродови со екстремно доближување со голема брзина“, се вели во соопштението на Централната команда на американските воени сили.
Трамп и претходно го постави прашањето за иранските патролни чамци кои наводно ги провоцираат американски бродови. Тој побарал од поранешниот началник на Пентагон, Џејмс Матис, план за справување со иранските бродови.
Судир меѓу американските воени бродови и иранските патролни чамци може потенцијално да доведе до нова рунда тензии меѓу двете страни само четири месеци откако беа на работ на отворен воен конфликт.
Најновата ескалација се случи откако американските воздушни сили го убија иранскиот генерал Касем Сулејмани во воздушен напад во Ирак на 3 јануари годинава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.