Свет
Трамп предупредува: На САД им се заканува судбината на СССР
Главната закана за САД доаѓа однатре поради што земјата може да ја повтори судбината на СССР, Венецуела или Куба, изјави поранешниот американски претседател, Доналд Трамп.
Според него, во САД се насобрале многу проблеми, меѓу кои зголемувањето на криминалот, корупцијата во образовниот систем, бирократијата, високата инфлација и приливот на мигранти.
Трамп вети дека ќе продолжи со својата политичка активност, без оглед на напорите на корумпираниот државен апарат да го спречат во тоа.
„Ако не се справам со ова, нашата нација ќе биде осудена да стане уште една Венецуела или Советскиот Сојуз. Ние се движиме во таа насока или се претвораме во Куба во големи размери“, рече Трамп.
Презентацијата на форумот во Вашингтон е прво појавување на поранешниот американски претседател во американската престолнина по неговиот претседателски мандат. Тој претходно ја критикува работата на администрацијата на Џозеф Бајден.
Меѓу другото, Трамп рече дека политиката кон Украина е лудило и изјави дека тоа може да доведе до војна од светски размери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.