Свет
Трамп признал дека на актерката во еротски филмови ѝ платил за да молчи
Доналд Трамп официјално признал дека тој му префрлил пари за неговиот адвокат, кој истите и ги исплатил на актерка во еротски филмови, Сторми Даниелс, со цел таа да молчи во врска со аферата со актуелниот американски претседател, јавува Би-би-си.
Канцеларијата за етика во средата утврди дека Трамп исплатата ја пријавил во постари финансиски извештаи. Документите откриваат дека Мајкл Коен дал меѓу 100 000 до 250 000 долари за трошоци во 2016 година.
Трамп досега негираше дека знае за исплатата на 130 000 долари наменети за актерката Сторми Даниелс.
Белата куќа во фуснота кон финансиските извештаи соопшти дека исплатата ја објавува во интерес на транспарентноста, додавајќи дека не била правно обврзана да го стори тоа. Сепак, шефот на канцеларијата за етика во писмото напишал дека исплатата на Коен морала да се пријави. Во писмото до заменик главниот државен обвинител, Род Росенштајн, тој напишал дека смета оти откриените информации се важни за истрагата.
Росенштајн ја надгледува истрагата на Министерството за правда за наводната спрега меѓу соработниците на Трамп и Русија за време на американските претседателски избори во 2016 година. Исплатата за Сторми Даниелс е потенцијален правен проблем за Трамп, бидејќи може да се смета за недозволена донација во кампања.
Против Коен, чии документи за договор со порно актерката ФБИ ги заплени во април, покрената е истрага.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.