Свет
Трамп се налути поради изјавите за неговата здравствена состојба
Трамп е многу лут на шефот на персоналот во Белата куќа, Марк Медоус, затоа што ги демантирал тврдењата на медицинскиот тим во Белата куќа за неговата здравствена состојба.
Марк Медоус е опишан како доверлив анонимен извор во Белата куќа, кој во неформален разговор со новинарите изразил проценки за здравствената состојба на американскиот претседател Доналд Трамп, кои се разликуваат од официјалните што претходно ги добија медиумите од воениот лекар Шон Конли, пишува Си-ен-ен.
Медоус неформално изјавил пред група новинари дека во последните 24 часа здравствената состојба на претседателот Трамп и неговите витални функции се причина за загриженост и дека следните 48 часа ќе бидат критични за неговото закрепнување.
„Претседателот сè уште не е на патот кон целосно закрепнување“, рече Медоус во разговор со новинарите за кој подоцна известуваа „Асошиејтед прес“ и „Њујорк тајмс“.
Си-ен-ен од близок соработник на Трамп дознава дека откако слушнал за разговорот на Медоус со печатот, претседателот Трамп бил многу лут.
По тоа, вработените во Белата куќа продолжиле да зборуваат за здравствената состојба на претседателот со избрани зборови и со многу умерен тон, со цел да се избегнат понатамошни контроверзии по тоа прашање.
Трамп е незадоволен од Медоус како шеф на персоналот во Белата куќа затоа што смета дека го нарушил кредибилитетот на официјалната комуникација за здравствената состојба на претседателот по неговото префрлување во воената болница Валтер Рид во близина на Вашингтон, наведува Си-ен-ен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.