Свет
Трамп: Убивме вистинско чудовиште кое планираше напад на наши амбасади
Американскиот претседател Доналд Трамп изјави дека иранскиот генерал Касим Сулејмани, кој беше убиен во американскиот напад со дрон, планирал да ја дигне во воздух амбасадата на САД во Багдад.
„Ќе го кажам ова – фативме вистинско чудовиште. Го уништивме. Тоа требаше да се случи многу одамна. Тоа го сторивме бидејќи планираа да ја дигнат во воздух нашата амбасада. Го сторивме тоа и од други очигледни причини. Некој загина, еден од нашите луѓе од војската загина. Луѓе се тешко повредени само недела дена претходно“ рекол Трамп, пренесе порталот „Политико“.
Подоцна, на митинг во рамки на својата предизборна кампања во Охајо, Трамп рекол дека Сулејмани планирал напади на повеќе американски амбасади.
„Сулејмани активно планирал нови напади и сериозно ги разгледувал нашите амбасади, не само амбасадата во Багдад, но ние го спречивме“ порачал Трамп пред неговите гласачи.
Тој поголем дела од говорот во Охајо го посветил бранејќи ја својата наредба за убиство на иранскиот генерал и ја отфрлил критиката на демократите кои тврдат дека ги пречекорил неговите овластувања.
Опозициските демократи и одделни републикански членови на Конгресот остро го критикуваат Трамп и неговите соработници, зошто одбиле да откријат каква непосредна опасност се заканувала од Сулејмани во монетот кога бил убиен во автомобилот со кој се возел на аеродромот во ирачката престолнина.
Претставници на администрацијата на Трамп претходно го обвинуваа командантот на елитната иранска единица Кудс за убиство на американски војник и еден вработен по договор, како и за немири во Ирак и Либан, но не сакале да ги откријат специфичните причини за убиството на Сулејмани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.