Свет
Трамп: ФБИ има одврзани раце во истрагата против судијата Кавано
Американскиот претседател, Доналд Трамп, изјави дека ФБИ има одврзани раце во истрагата против Брет Кавано, неговиот кандидат за судија на Врховниот суд, изразувајќи надеж за позитивен резултат од истрата.
ФБИ почна нова истрага за Кавано, поради обвинението за сексуална злоупотреба. Дебора Рамирез е една од жените кои го обвинија, а која тврди дека сексуално ја нападнал додека биле студенти на Јејл. Таа прифатила да соработува со Федералното истражно биро, објави АП.
Адвокатот на Дебора Рамирез рекол дека агентите од ФБИ сакаат да разговараат со неа.
Трамп вчера на новинарите во Белата куќа им рекол дека „ФБИ ќе работи тоа што мора, дури и работи на кои никогаш не сме помислиле“, додавајќи дека сака да бидат испрашани сите за кои бирото, според свое дискреционо право, ќе смета дека треба да бидат испрашани.
Трамп нагласил и дека група демократи употребила намилосрдна тактика против Кавано, како и дека демократите се решени да ја вратат власта на свој начин, навредувајќи кој било што ќе им се најде на патот.
Белата куќа нареди истрага од страна на ФБИ против Кавано, откако тоа го побара Одборот за правосудство во Сенатот.
„Почна седмата истрага на ФБИ за судијата Кавано. Еден ден ќе биде признат како прекрасен судија на Врховниот суд“, Трамп во петокот напиша на „Твитер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.