Свет
Трамп ја смени адресата на живеење, стана жител на Флорида
Американскиот претседател, Доналд Трамп, ја смени адресaта на живеење и сега и официјално стана жител на Флорида.
Трамп, кој живее во центарот на Менхетн во Њујорк од 80-тите, го смени своето живеалиште во резиденцијата Мар-а-Лаго на Флорида бидејќи, како што рече, градските власти лошо се однесувале кон него, пренесува бриселски „Политико“.
„Белата куќа е местото што го засакав и се надевам дека ќе останам таму во наредните пет години. Сепак, јас и моето семејство се преселуваме во Палм Бич, Флорида, кое ќе биде нашето постојано живеалиште. Секогаш ќе се грижам за Њујорк и за неговите жители, но, за жал, и покрај фактот што му плаќам милиони долари на Градот, на државните и на локалните даночни обврзници секоја година, политичките лидери на државата и Градот лошо се однесуваат кон мене“, напиша Трамп на „Твитер“.
1600 Pennsylvania Avenue, the White House, is the place I have come to love and will stay for, hopefully, another 5 years as we MAKE AMERICA GREAT AGAIN, but my family and I will be making Palm Beach, Florida, our Permanent Residence. I cherish New York, and the people of…..
— Donald J. Trump (@realDonaldTrump) November 1, 2019
„Политико“ наведува дека Трамп е крајно непопуларен во Њујорк и дека законодавците не вложиле многу напори да го скријат презирот кон него и неговото однесување.
Набргу по објавувањето на Трамп на „Твитер“, гувернерот на Њујорк, Ендру Куомо, напиша дека тоа е добро решение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.