Свет
Трамп ја тужи внуката за откривање даночни затајувања на семејството
Поранешниот американски претседател Доналд Трамп ја тужеше својата внука Мери и весникот „Њујорк тајмс“ за напис од 2018 година, во кој пишува дека бил вмешан во „сомнителни даночни затајувања“.
Тужбата, поднесена во Њујорк, ги обвинува Мери Трамп и новинарите од овој весник дека се „вмешани во подмолен заговор“ за добивање доверливи документи, со кои внуката на поранешниот претседател го прекршила договорот за спогодба што ѝ забранува откривање, што таа потврди дека тоа го направила во своите мемоари во 2020 година, пренесува Би-би-си.
Претходно, Трамп одлучно ги отфрли тврдењата од книгата на неговата внука „Премногу и никогаш доволно: Како моето семејство го создаде најопасниот човек на светот“ и неуспешно тужеше во обид да го спречи нејзиното објавување. Во новата тужба, тој обвинува тројца новинари дека контактирале и соработувале со неговата внука поради „лична одмазда“ против него.
Според тужбата, Мери Трамп доставила доверливи документи до „Њујорк тајмс“ за објавување во сеопфатна истрага за личната листа на финансии на Трамп. Овој ексклузивен извештај наведува дека поранешниот претседател учествувал во измамнички даночни затајувања и на тој начин добил повеќе од 400 милиони долари.
Портпаролката на „Њујорк тајмс“ изјави денеска дека пишувањето на листа за даноците на Трамп им помогнало на граѓаните да се информираат преку детално известување за тема во која преовладува јавниот интерес и дека тужбата е обид да се замолчат независните новински организации. Мери Трамп (55), ќерка на Фред Трамп Џуниор, постариот брат на претседателот, кој почина во 1981 година на 42-годишна возраст, се уште не ја коментирала тужбата.
Минатата година таа поднесе сопствена тужба против Трамп и двајца членови на семејството за измама и заговор, во која изјави дека тогашниот претседател, неговата сестра Маријан Трамп Бери и братот Роберт Трамп, ја изневериле поради наследство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.