Свет
Трас: Путин може со месеци да ја одложува кризата во Украина
Рускиот претседател Владимир Путин би можел да ја одложува кризата во Украина со месеци во обид да го оспори единството на Западот, изјави денеска британската министерка за надворешни работи, Лиз Трас.
„Во моментот нема докази дека Русите се повлекуваат од пограничните региони во близина на Украина“, напиша Трас во авторска статија за „Дејли телеграф“ додавајќи дека групирањето на руската армија не покажува знаци на забавување.
„Русија би можела да го одложи ова многу подолго трошејќи недели, ако не и месеци, за да ја поткопа Украина и да го оспори западното единство“, наведува Трас.
Британскиот министер за одбрана, Џејмс Хипи, за Би-би-си изјави дека Русија ги продолжува подготовките за можна инвазија и дека се поставени мостови преку реката Припјат во близина на белоруско-украинската граница.
Русија соопшти дека Западот е зафатен од хистерија и русофобија, а Москва ги исмеа тврдењата на шефовите на американските безбедносни сили дека инвазијата на Украина е неизбежна. Руското Министерство за одбрана објави и видео на кое се гледа враќањето на војниците во базата по вежбите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.