Свет
Трговската војна меѓу САД и Кина би можела да донесе придобивки за Европа, Мексико и Јапонија
Трговската војна меѓу Кина и САД предизвика големи штети за светските бизниси, но за некои таа може да има и придобивки, се вели во една студија објавена оваа недела од Конференцијата за трговија и развој на Обединетите нации.
Според Памела Кок-Хамилтон, шеф на одделот за меѓународната трговија на УНКТАД, „билатералната трговија меѓу САД и Кина ќе се намали и ќе биде заменета со трговијата со други земји“.
Во студијата, исто така, се нагласува и дека тарифите не им помагаат на американските и кинеските компании, како и дека дури и во случај да донесат некакви придобивки за компаниите во другите земји, постои ризик од несакани последици на светско ниво.
САД и Кина се во преговори за трговски договор, кој тие мора да го постигнат до 2 март. Во спротивно, САД ќе ги зголемат тарифите на кинеските прозиводи од 10 на 25 отсто. Во тој случај, Европската Унија, Мексико, Јапонија и неколку други земји би имале придобивка од 250 милијарди долари благодарение на извозот на своите производи.
Европската Унија би добила најголем удел, односно 70 милијарди долари, се вели во студијата. Тоа е затоа што економиите во блокот се глобално конкурентни и имаат најголем потенцијал да го зголемат својот извоз, се додава во извештајот. Мексико, Јапонија и Канада би можеле да додадат над 20 милијарди американски долари благодарение на тарифите.
„Билатералните тарифи ја менуваат глобалната конкурентност во корист на фирми кои работат во земји што не се директно засегнати од нив“, велат од ОН.
Но, придобивките за некои земји би можеле да бидат поткопани од другите аспекти на трговската војна, која придонесе за забавување на кинеската економско и предизвика нестабилност на глобалните пазари.
Постојаната тарифна војна може дополнително да ѝ наштети на „сѐ уште нестабилната глобална економија“ преку нарушување на синџирите на снабдување и нестабилност во цените на стоките и финансиските пазари, додаваат од ОН.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.