Свет
Треба ли вакцинираните да носат маски на отворено?
Дали вакцинирано лице кое оди на отворено сè уште треба да носи маска? Дали е потребно да се носи маска доколку се трча во природа а во близина нема луѓе?
Како што доаѓа потопло време и процентот на вакцинирани граѓани постепено расте, сè повеќе Американци поставуваат вакви прашања, пишува Си-ен-ен.
„Ако сте вакцинирани, би рекол дека обично немате потреба да носите маска на отворено“, рече вчера д-р Санџај Гупта за Си-ен-ен, бидејќи, како што рече, познато е дека повеќето вирусни преноси не се случуваат на отворено.
Студија објавена во ноемвриското издание на журналот за заразни болести открива дека шансите за пренесување на вирусот се 18,7 пати поголеми во затворените простории отколку на отворено, а помалку од 10 проценти од испитуваните зарази со Ковид-19 се случиле на отворено.
Ношин Разани, еден од авторите на студијата и вонреден професор по епидемиологија и биостатистика на Универзитетот во Калифорнија, Сан Франциско, изјави дека реалниот број на случаи на пренесување на заразата на отворено е „веројатно помал“ од 10 проценти.
Тековните упатства од Центрите за контрола и превенција на болести на САД покажуваат дека можеби нема да бидат потребни маски на отворено: „Маските можеби не се потребни ако сте сами надвор, далеку од други луѓе или во друштво на луѓе што живеат во вашето домаќинство. Сепак, не постојат специфични упатства за вакцинираните лица“, велат експертите. Вчера директорот на ЦДЦ, д-р Рошел Валенски рече дека агенцијата размислува да ги ревидира упатствата за маските.
Како и кај повеќето дискусии за Ковид-19, доказите за тоа дали е препорачливо да се носат маски на отворено се двосмислени и треба да се засноваат на различни фактори, како што се статусот на вакцинација и стапката на пренесување на инфекцијата во општетсвото.
„Ако сте вакцинирани и не сте во ранлива категорија, веројатно не мора да носите маска на отворено“, рече Линси Мар, специјалист за пренос на вируси во воздухот од Вирџинија Тех.
На невакцинирани луѓе, Мар им препорачува маски вометеж и места каде што се собираат луѓе или решетки. „Ако не сте вакцинирани и постојано одите покрај луѓе толку блиску, можете да ги допирате решетките со рака, е тогаш треба да носите маска“, објасни Мар за Си-ен-ен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лукашенко: Исходот од претседателските избори во Русија е сериозен сигнал за Западот
Претседателот на Белорусија Александар Лукашенко ги коментираше резултатите од претседателските „избори“ во Русија.
„Исходот од претседателските избори во Русија е сериозен сигнал за Западот, кој сметаше на протресување на ситуацијата во Русија одвнатре. Тие не можеа да го направат тоа на првата линија, па се обидоа да го направат тоа одвнатре, но и тие не успеаја“, рече Лукашенко, цитиран од државната агенција „БелТА“.
Лукашенко рече дека никој не може да ги принуди луѓето на Белорусија и Русија на ништо.
Тој се пофали како изборниот процес во Русија е добро организиран. „Природно, претседателот Путин мораше да работи многу, видовте. Тој неуморно патуваше низ цела Русија, посетуваше различни места и одговараше на виталните прашања на рускиот народ.
Процесот на планирање и селекција беше совршен. Има многу да се научи. Сите беа мобилизирани и консолидирани. Луѓето се патриоти и резултатот е совршен. Ова е лекција за нас“, рече претседателот на Белорусија.
Свет
Драма на лет за Лондон: Патник се обидел да се убие во тоалетот на авионот
Пилотот на авионот принудно слетал откако патник наводно се обидел да се самоубие за време на летот.
Патувањето од Бангкок до Лондон завршило драматично, откако стјуардесите наишле на страшна сцена. Наводно патникот бил пронајден во тоалетот во моментот кога се обидувал да стави крај на животот, пренесуваат медиумите.
Британскиот таблоид „Сан“ наведува дека на помош на патникот дошле стјуардесите и докторот кој се затекнал на летот. На мажот му била укажана прва помош по слетувањето и итно бил пренесен во болница на понатамошно лекување.
Компанијата „ЕВА“ потврди дека инцидентот се случил на летот „БР67 Бангкок-Лондон“.
Не е познато на кој аеродром во Лондон слетал авионот.
Регион
Неписмени гангстери: реакција на Милановиќ по одлуката на Уставниот суд
Хрватскиот претседател Зоран Милановиќ денеска ја коментираше одлуката на Уставниот суд за неговата кандидатура.
Медиумите во регионот потсетуваат на одлуката на Уставниот суд во која е заклучокот дека хрватскиот претседател Зоран Милановиќ не може да учествува во политичките активности на ниту една политичка партија додека ја извршува својата функција. Претседателот на Уставниот суд,Мирослав Шепаровиќ му забранил да биде на избирачкиот список и на кој било начин да учествува во изборната кампања додека е претседател.
„Тоа го направија на гангстерски начин. Тие не ми можат ништо, но јас им можам. Тоа се сељаци, неписмени. Писмен човек, барем тој што завршил автошкола, има проблем со тоа“, рече тој.
Зоран Милановиќ потоа на насобраните во Вела Лука им ја прочитал одлуката на Уставниот суд.
„Најверојатно хрватскиот го научиле во автомеханичарска работилница. Според овие неписмени гангстери, тоа е забрането, но не е“, рече тој.
„Ова мора да се реши на избори. На крајот ќе бидам премиер, но нема да и кажувам на таа банда како. Ќе бидам кандидат на изборите, како што можев да бидам и на европските избори. Јас нема да си дадам мандат. Што е тука спорот, неписмени гангстери“, праша тој.
Собирот на ХДЗ во Лисински го нарече бал на вампирите. Тој рече дека во првите редови имало двајца ректори на државните универзитети.
„Со гангстерите ќе се справиме по изборите“ рече тој.