Свет
Тропска бура однесе 77 животи во Jужна Африка
Бројот на загинати во тропската бура Ана, која погоди три јужноафрикански земји – Мадагаскар, Мозамбик и Малави, се искачи на 77, додека спасувачките тимови сè уште се борат за поправка на оштетената инфраструктура и помош на десетици илјади загрозени, пренесува „Танјуг“.
Тропската бура Ана најпрво го погоди Мадагаскар во понеделникот, а потоа се пресели во Мозамбик и Малави во текот на неделата, носејќи обилни врнежи од дожд, пренесува британскиот весник „Гардијан“.
Спасувачките екипи и властите на тие три земји денеска ја проценуваат целата големина на штетите, додека во тек е формирање нова бура во Индискиот Океан.
Мадагаскар синоќа прогласи состојба на национална катастрофа, бидејќи бројот на загинати се зголеми на 48. Мозамбик објави 18 загинати, додека 11 лица загинаа во Малави.
Невремето беснееше и низ Зимбабве, но нема информации за загинати. Во трите најтешко погодени земји, десетици илјади куќи беа оштетени, а некои се урнаа под обилните врнежи, заробувајќи ги жртвите во урнатините.
Надојдените реки однеле мостови, ги поплавиле полињата и ја уништиле егзистенцијата на селските семејства.
Во Мадагаскар 130.000 луѓе ги напуштија своите домови, а во главниот град Антананариво училиштата се претворени во засолништа за итни случаи. Во северниот и централниот дел на Мозамбик бурата Ана уништи 10.000 домови и десетици училишта и болници додека носеше далноводи.
Мозамбик и меѓународните метеоролошки служби, сепак, предупредија дека уште една бура, наречена „Батсирај“, се формирала над Индискиот Океан и се очекува да стигне до копното во текот на викендот.
Во следните неколку дена оваа бура би можела да се претвори во силна тропска бура, се вели во соопштението на Обединетите нации.
И во соседен Малави, владата прогласи состојба на природна катастрофа, пишува „Гардијан“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.