Свет
Трудо обвинет за сексуално вознемирување, пред 18 години несоодветно допирал новинарка
Канадскиот премиер, Џастин Трудо, познат како голем поддржувач на правата на жените, е обвинет за сексуално вознемирување на новинарка кое наводно се случило пред 18 години.
Пред неколку дена во Канада се рашири веста за обвинение за сексуално вознемирување против премиерот Трудо. Политичкиот коментатор Ворен Кинсела минатиот месец на „Твитер“ објави напис од 2000 година, од весникот Creston Valley Advance, во кој се наведува дека Трудо ѝ се извинил на локална новинарка поради непристојно допирање.
Um, what? #cdnpoli #loc #MeToo pic.twitter.com/6P7iiPQRZA
— Warren Kinsella (@kinsellawarren) June 6, 2018
Владата на Трудо, која работи на нов закон против злоупотреби на работно место, набрзо стана предмет на медиумско истражување. Во првиот коментар за инцидентот, Трудо во наделата рече дека не се сеќава на никакви негативни интеракции од тоа време.
Сепак, вчера изјави дека во тој период ѝ се извинил на новинарката.
„Многу внимателно размислував на она на што се сеќавам во врска со инцидентот што се случи пред речиси 20 години и, повторувам, сигурен сум дека немаше несоодветно однесување од моја страна“, изјави Трудо за новинарите во Торонто.
„Сепак, го почитувам тоа дека некој друг можеби различно го доживеал тој настан. Ако подоцна сум се извинил, тоа е затоа што сум добил впечаток дека новинарката не се чувствувала сосема удобно во нашата интеракција“, рече Трудо и додаде дека ниту еден член на неговиот тим не се обидел да контактира со новинарката бидејќи сметале дека тоа би било соодветно.
Новинарката претходно годинава за Си-би-ес изјави дека не сака медиумите да го објавуваат нејзиниот идентитет во понатамошното покривање на оваа приказна. За време на инцидентот, Трудо не бил политчки ангажиран, но во Канада бил познат како син на поранешниот премиер Пјер Трудо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.