Свет
Турција ги зголеми безбедносните мерки во руската амбасада по заканите
Турските власти ја зголемија безбедноста во руската амбасада во Анкара по заканите упатени до амбасадорот Алексеј Јерхов заради ескалацијата на тензиите во сириски Идлиб, соопшти за агенцијата ТАСС портпаролот на руската дипломатска мисија во Турција, Ирина Касимова.
„Да, вистина е, тензиите ескалираа неодамна. Поради ова побаравме од турските власти да применат дополнителни безбедносни мерки“, рече таа.
Според Касимова, рускиот амбасадор прима пораки кои го предупредуваат да не излегува на улиците на Анкара.
„Ние разбираме дека луѓето што го пишуваат ова е малку веројатно да излезат и да убиваат, ова е начин да го изразат својот гнев. Сепак, треба да ги земеме предвид заканите”, истакна таа.
И покрај смирувачките тонови на Касимова, повеќе од очигледно е дека амбасадата има причина за загриженост ако се земе предвид дека во декември 2016 година турскиот полицаец Мевлут Мерт Алтинташ го уби рускиот амбасадор во Анкара, Андреј Карлов, а во нападот беа ранети уште три лица.
Истрагата покажа дека Алтинташ претходно бил во обезбедувањето на амбасадата поради протестите што тогаш избија како резултат на руската вклученост во конфликтот во Сирија и ситуацијата во сирискиот град Алепо.
Руското Министерство за надворешни работи тогаш соопшти дека го смета нападот за терористички акт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Атина во густ облак од прашина и песок од Сахара
Главниот град на Грција, Атина, се најде во облак од прашина и песок од пустината Сахара и Северна Африка, феномен кој е проследен со особено високи температури.
Воздухот во градот треба да се подобри од утре наутро, велат метеоролозите.
„Во пролет март-април, циклоните, кои се движат кон исток по северноафриканскиот брег, носат прашина кон источен Медитеран. Типична песочна бура со дострел од 200 километри носи од 20 до 30 милиони тони прашина, понекогаш и до 100 милиони“, објаснува директорот на Грчката метеоролошка служба, Теодорос Колидас.
Главниот град често се наоѓа на патот на тие песочни бури, но оваа година беше проследен со особено високи температури поради што е речиси невозможно да се дише.
Во центарот на Атина на 27 март беа забележани 25,3 Целзиусови степени, што е рекорд од март 2009 година, а на Крит температурите достигнаа и до 32 степена, истакнаа од Грчката метеоролошка служба.
Сојузот на пулмолозите на Грција препорача најранливите групи население, особено луѓето што страдаат од астма, да избегнуваат „непотребни движења и спортови на отворено кога концентрациите на прашина се највисоки“.
„Африканската прашина носи честички кои може да се интегрираат со полен, бактерии и габи создавајќи многу токсична и опасна смеса за човечкото тело, а особено за респираторниот систем“, предупредува Сојузот.
Свет
Апсења во Пакистан по снимка во која брат ја убива сестрата, таткото гледал сè
Пакистанската полиција уапси татко и брат откога видеото од провинцијата Пенџаб, на кое брат ја дави својата сестра додека таткото гледа, стана вирална, соопштија официјални лица.
Настанот предизвика шок и бес во нацијата, која се бори со бранот насилство врз жените. 22-годишна девојка била убиена од својот брат додека таткото гледал, а непознато трето лице го снимило злосторството, изјави за ДПА претставникот на локалната полиција, Рана Акмал.
Инцидентот се случил во градот Тоба Тек Синг минатата недела. Семејството ја закопало жената тврдејќи дека умрела од колера.
И таткото и братот ѝ кажале на полицијата дека со години ја силувале жената и ја убиле за да го скријат своето злосторство, изјави полицискиот службеник Мохамед Имран.
Се спроведуваат рации за апсење на лицето, кое наводно го снимило злосторството.
Регион
Родителите на двегодишната Данка во полиција во Бор: мајката одбила полиграф
Родителите на исчезнатата двегодишна Данка Илиќ се донесени во полициската станица во Бор, објави „Телеграф.рс“.
Тие не се осомничени, но со нив се врши информативен разговор.
Ивана и Милош вчера дадоа исказ во присуство на Центарот за социјална работа.
Како што објави српски „Телеграф“, мајката го одбила полиграфскиот тест бидејќи е бремена.
„Девојчето Данка Илиќ сè уште не е пронајдено. Апелираме до сите луѓе да не објавуваат информации што не се проверени. Со тоа се нарушува и се загрозува истрагата, во која е инволвиран и Одделот за криминалистичка полиција“, изјавиле за „Телеграф.рс“ од српската полиција.