Европа
Турција: Млад човек загина додека помагал во борбата против пожарите
25-годишниот Шахин Акдемир загина во пожар што вчера ја зафати областа Мармарис во Турција. Шахин загинал додека им помагал на пожарникарите кои се бореле со огнот.
Несреќниот млад човек, кога дознал дека пожарот неконтролирано се шири, се качил на неговиот мотоцикл и натоварил вода, а потоа им ја доставил на пожарникарите во загрозената област. За жал, кога тргнал да се враќа за повеќе вода, тој доживеал несреќа и бидејќи бил сериозно повреден, не успеал да се спаси од пожарот и трагично загинал. Според турските медиуми, пожарот го зафатил неговиот мотоцикл.
Şahin Akdemir
İtfaiye ekiplerine gönüllü olarak yardım ederken hayatını kaybediyor
Haysiyetsizlerin yaktığı ormanlarımızı korumak adına hayatını feda eden, bu vatanın kahraman bir evladı o
Rabbim mekanını cennet eylesin pic.twitter.com/g00G5JWrLl
— Serkan Kayalar (@SerkanKayalar_) July 29, 2021
Во пресрет на трагедијата, овој храбар млад човек ги повикал пријателите на социјалните мрежи да им помогнат на пожарникарите.
„Ве молим носете вода, ние ќе продолжиме да носиме вода до пожарникарите, Бог да ни е на помош“, напишал тој во објава на социјалните мрежи.
Потоа информирал каде најмногу се шири пожарот и објавил фотографии од загрозената област, со уште еден апел до граѓаните да носат вода.
Трет ден по ред Турција се бори со страшните пожари што избија во близина на Анталија, Бодрум, Мармарис и неколку други локации, а најмалку три лица го загубија животот.
Огнената стихија кај Бодрум е локализирана, додека пожарникарите гасат пожари во други области дење и ноќе. Во гаснењето на пожарот беа вклучени повеќе од 20 летала и над 1.000 пожарникари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.